Ամեն տարի Եվրոպական ժառանգության օրերի շրջանակում կազմակերպվում է «Եվրոպայի երիտասարդ ժառանգության ստեղծագործողներ» մրցույթը, եւ որպես մրցանակ` հաղթողները այցելում են Ստրասբուրգ:
Մայիսի 20-ից 21-ը, «Եվրոպայի երիտասարդ ժառանգության ստեղծագործողներ 2024» մրցույթի 11–17 տարեկան հաղթող թիմերի պատվիրակությունները հրավիրվել էին Ստրասբուրգ։ Այդ 5 թիմերից մեկը Հայաստանը ներկայացնող պատանիների խումբն էր։ Նրանց նախագիծը ազգային մշակութային ժառանգությանն ու ինքնությանն է վերաբերվում: Այն փայտյա խաղ-փազլ է «Սասնա Ծռեր» հայկական էպոսի մասին:
Կարդացեք նաև
2024-ի հաղթող 5 թիմերը ներկայացնում էին հետեւյալ երկրներն ու նախագծերը՝
Հայաստան – «Սասնա Ծռեր»․ պատմություն ազգային ժառանգության եւ ինքնության մասին։
Խորվաթիա – Խորվաթական գյուղեր․ գյուղական կյանքի փաստագրում և ավանդույթի դերը առօրյա մշակույթի մեջ։
Ֆինլանդիա – Ճարտարագիտական ձեռագործություն. ձեռագործ աշխատանքների օգտագործումը որպես խաղաղ միջոց՝ արժեքներ արտահայտելու ու համայնք ձևավորելու համար։
Իսպանիա – Կավե տարա, որ փրկում է մոլորակը․ էկոլոգիական գեղարվեստական նախաձեռնություն։
Ուկրաինա – Աղի առեւտրի ճանապարհը՝ որպես առևտրի և մշակութային փոխանակման խորհրդանիշ։
Հայաստանցի պատանիները տեսանյութում պարզաբանում են, թե ինչու են անդրադարձել «Սասնա Ծռեր» էպոսին, ասում են, որ այն ՅՈՒՆԵՍԿՕ-ն համարել է որպես ամենամարդասիրական էպոս:
Պատրաստեց Գոհար ՀԱԿՈԲՅԱՆԸ
