«Հետևողականորեն շարունակում ենք բացահայտել դեպքեր, որոնցով մեր պետությանը, համայնքին և քաղաքացիներին պատճառվել են տարբեր վնասներ», – Armenpress-ի՝ Հարկ վճարողի օրվա առիթով իրականացվող փոդքասթային շարքի շրջանակում խոսելով ՆԳՆ ենթակա ծառայությունների գործունեության, բարեփոխումների և նոր նախաձեռնությունների մասին, ասել է Ներքին գործերի նախարար Արփինե Սարգսյանը:
«Պարեկային ծառայության ձևավորմամբ հասել ենք համակարգում կոռուպցիոն ռիսկերի նվազման թիրախին, իսկ մնացած ընթացիկ հարցերը լուծելի են»- նշել է նա:
Արփինե Սարգսյանի խոսքով՝ գործող պլաստիկ վարորդական վկայականները ինքնաշխատ եղանակով կդառնան թվային և մեր քաղաքացիները ՀՀ-ում կարիք չեն ունենա իրենց մոտ ունենալ վարորդական վկայական:
Ներքին գործերի նախարարը նշել է, որ փրկարար ծառայության արդիականացման հայեցակարգը պատրաստ է, կան կայացված որոշումներ:
Կարդացեք նաև
Հարցազրույցի հիմնական թեմաներն են՝
Մարմարիկում անհետ կորած երեխայի որոնողական աշխատանքներ,
Փրկարար ծառայության արդիականացում,
Քրեական և համայնքային ոստիկանությունների աշխատանք,
Ոստիկանության գվարդիայի ձևավորում,
Պարեկային ծառայության և Օպերատիվ կառավարման կենտրոնի նորաբաց վարչական համալիրի շենքային և ֆունկցիոնալ հնարավորություններ,
ՆԳՆ կրթահամալիրի ձևավորում և գործունեություն,
Բիոմետրիկ նոր համակարգի ներդրում,
ԵՄ վիզաների ազատականացման գործընթաց,
ՆԳՆ ծառայություններում թվայնացման գործընթացներ,
ՆԳՆ քաղաքացիներին մատուցվող հանրային ծառայություններ։
Հարցազրույցն ամբողջությամբ՝ այստեղ:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ
