Շառլ Ազնավուրի որդին՝ «Ազնավուր» հիմնադրամի համահիմնադիր Նիկոլա Ազնավուրը և նրա կինը` Քրիստինան, շնորհավորական ուղերձ են հղել Բաքվի բանտում գտնվող բարերար Ռուբեն Վարդանյանի ծննդյան օրվա կապակցությամբ։
Սիրելի՛ Ռուբեն,
Այս յուրահատուկ օրը ցանկանում ենք մի պահ կանգ առնել և ասել, թե որքան շատ եք նշանակում մեզ համար՝ ոչ միայն որպես ընկեր, այլև որպես մարդ, ում նվիրվածությունը Հայաստանին և հայ ժողովրդին անջնջելի հետք է թողել մեր ազգի նորագույն պատմության մեջ։
Մենք վաղուց ենք հիացել Ձեր ուժով, տեսլականով և ապագայի համար սերունդների հանդեպ կատարած քո հետևողական աշխատանքով։ Դուք երբեք չեք վախեցել քաջ քայլերից, դժվար ճշմարտություններ ասելուց կամ ծանր պատասխանատվություն կրելուց՝ մշտապես առաջնորդվելով հայրենիքի հանդեպ խորը սիրով և պարտքի զգացումով։
Կարդացեք նաև
Այսօր, երբ դիմագրավում եք Ձեր կյանքի ամենադժվար փուլերից մեկը, մեր մտքերը ավելի քան երբևէ Ձեզ և Ձեր ընտանիքի հետ են։
Հուսով ենք, որ այս ծննդյան օրն այս պայմաններում Ձեզ մի պահ ջերմություն կպարգևի՝ հիշեցում, որ մենակ չեք, և Ձեր քաջությունն այսուհետ ևս ոգեշնչում է մեզանից շատերին։ Մենք պահում ենք հույսը այն օրվա համար, երբ կրկին կկարողանանք ողջունել Ձեզ ազատության մեջ և միասին շարունակել այն գործը, որին խորապես հավատում ենք։
