RegionMonitor. Վրաստանի անկախության օրվա կապակցությամբ Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը և Լեհաստանի վարչապետ Դոնալդ Տուսկը համատեղ բարեկամության և համերաշխության ուղերձ են հղել վրաց ժողովրդին և վերահաստատել իրենց անսասան աջակցությունը Վրաստանի ինքնիշխանությանը և տարածքային ամբողջականությանը։
«Մենք աջակցում ենք վրաց ժողովրդի ժողովրդավարական և եվրոպական ձգտումներին։ Այս ձգտումները արտացոլում են եվրոպական ընտանիքի մաս կազմելու պատրաստակամությունը»,-ասված է հայտարարության մեջ:
Ուղերձում եվրոպական երկրների ղեկավարները Վրաստանի իշխանություններին կոչ են անում վերսկսել ընդդիմության և քաղհասարակության հետ երկխոսությունը։
Եվրոպացի առաջնորդները դատապարտել են վրացական իշխանությունների բոլոր գործողությունները, որոնք հանգեցրել են ժողովրդավարական նահանջի և քաղաքացիական հասարակության, լրատվամիջոցների և կառավարության քննադատների դեմ հարձակումների:
Կարդացեք նաև
«Խոսքի և հավաքների ազատությունը պետք է պահպանվի: Պետք է փոփոխվեն եվրոպական չափանիշներին հակասող օրենքները, և անհրաժեշտ բարեփոխումների գործընթացը վերսկսվի»-ասված է հաղորդագրության մեջ:
Վրաստանի խորհրդարանի խոսնակ Շալվա Պապուաշվիլին անդրադարձել էր հայտարարությանը` շեշտելով, որ այն «ամոթալի հարձակում է վրաց ժողովրդի և վրաց պետության վրա՝ նրա ազգային տոնի առթիվ»։
