«Որ Հայաստանում չկա մի ուժ, որը 50+1 տոկոս է ստանալու, դա փաստ է։ Որ գործող իշխանությունը չունի այն սատելիտները, որի հետ ընտրություններից հետո կոալիցիա կազմի, դա էլ է փաստ։ Գալու ենք Գյումրիի վիճակին»,- «Ա1+»-ի հետ զրույցում ասաց Լեռնային Ղարաբաղի պաշտպանության բանակի նախկին հրամանատար Սամվել Բաբայանը՝ անդրադառնալով 2026թ․ համապետական ընտրություններին։
Բաբայանը, սակայն, գտնում է, որ 2026թ․ Ազգային ժողովի ընտրություններին անգամ Գյումրիի օրինակով հնարավոր չի լինի իշխանություն ձևավորել, քանի որ գործող կարգավորումները թույլ չեն տալիս, որ Ազգային ժողովում կոալիցիա կազմեն 3-ից ավելի ուժեր։ Բաբայանի կարծիքով այսօր Հայաստանում չկան այնպիսի 3 ուժեր, որոնք միասին ընտրություններին կարողանան այնքան տոկոս ստանալ, որ կարողանան կոալիցիա կազմելով՝ իշխանության գալ։
Այդպիսով նա գտնում է, որ հաջորդ տարի Ազգային ժողովի ընտրություններն ունենալու են 2-րդ փուլ՝ երկրորդ անգամ ընտրությունների կգնան առաջին փուլում ամենաշատ ձայներ ստացած երկու ուժերը։ «Ընդդիմությունից մեկը իշխանության հետ երկրորդ փուլի է գնալու»,- հավելեց նա։
Սամվել Բաբայանը խոսել է նաև հայ-ադրբեջանական հարաբերությունների, տարածաշրջանային զարգացումների, ՌԴ արտգործնախարար Սերգեյ Լավրովի այցի, ՀՀ բանակի խնդիրների և այլ հարցերի մասին։
Կարդացեք նաև
Մանրամասները՝ տեսանյութում։
