Հայտնի բլոգեր Ալեքսանդր Լապշինը ֆեյսբուքյան իր էջում գրում է.
«Ընկերներ, ցանկանում եմ հայտնել, որ իմ փաստաբանները Հայաստանում՝ Վահագն Գասպարյանը և Էդուարդ Աղայանը, դատական հայց են ներկայացրել Հայաստանի Վարչական դատարան՝ պահանջելով պաշտոնապես ճանաչել բելառուսական հարցումը իմ ձերբակալության վերաբերյալ («Նախագահ Լուկաշենկոյի պատվի ու արժանապատվության վիրավորանք» մեղադրանքով) անօրինական և միջազգային իրավունքին հակառակ։
Այդ հիմքով պահանջում ենք ճանաչել այս և ապագայում նման բոլոր հարցումները բռնապետական Բելառուսից` անվավեր Հայաստանի Հանրապետության տարածքում։
Ընդգծում եմ, որ փաստաբանների հարցման և ՀՀ ոստիկանության 2025 թ. մայիսի 22-ի որոշման հիման վրա քննչական գործողությունները և հետախուզումը իմ նկատմամբ արդեն դադարեցվել են Հայաստանի Հանրապետության տարածքում։ Սա արդեն մեծ հաղթանակ է։
Կարդացեք նաև
Բայց դա բավարար չէ, մեզ համար կարևոր է, որ առաջին հերթին բելառուսական հետախուզման անօրինականությունը հաստատվի դատարանի կողմից, և դա կլինի հայկական ժողովրդավարության հսկայական հաղթանակ, ինչպես նաև կարևոր է, որ Լուկաշենկոյի հանցավոր ռեժիմը առավելագույնս իրավական և իմիջի տեսանկյունից հեղինակազրկվի։ Այդ նպատակով էլ մենք դատական հայց ենք ներկայացրել»։
