Պաշտպանության նախարար Սուրեն Պապիկյանն այսօր Ազգային ժողովում փակ քննարկում է անցկացրել ՔՊ խմբակցության հետ՝ պատգամավոր Հայկ Սարգսյանի նախագծերի փաթեթի շուրջ։
Նշենք, որ ԱԺ պաշտպանության եւ անվտանգության հարցերի մշտական հանձնաժողովը հետաձգել է այս փաթեթի քննարկումը, որը «բանակից փողով ազատվելու նախագիծ» անունով է հայտնի։
Կարդացեք նաև
«Քննարկել ենք մեզ հուզող բազմաթիվ հարցեր։ Ստեղ փողով բանակից ազատվելու նախագծի մասին չէ խոսքը, մեր երկրի անվտանգությանն ու պաշտպանունակությանը վերաբերող հարցեր ենք քննարկել, որը շատ բնական է»,- այսօրվա քննարկումից հետո լրագրողներին ասաց ԱԺ Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը։
Նա նշեց, որ հունիսի 9-ին կլինի հանձնաժողովի նիստ, փաթեթը կքննարկվի, եւ հանրությունն ավելի տեղեկացված կլինի։ Հետո հավելեց․ «Եթե հեղինակը ցանկանա, որ հարցը քննարկվի հանձնաժողովում, եթե հետ չքաշի իր օրենսդրական նախաձեռնությունը, հունիսի 9-ին ԱԺ պաշտպանության եւ անվտանգության հարցերի հանձնաժողովը կքննարկի այս հարցը»։
Քոչարյանի խոսքով՝ մենք պետք է ունենանք ժամանակակից բանակ, այսինքն՝ բոլոր բարեփոխումները պետք է նպատակային ուղղված լինեն այս խնդիրների լուծմանը։ «Մենք օրենսդրական ճանապարհով, նաեւ որոշակի խնդիրներ լուծելով գնում ենք այն ռեֆորմների տրամաբանությամբ, ինչ նախատեսված է կառավարության ծրագրի մեջ։ Ես կարծում եմ, որ հանրային լայն կոնսենսուսի պարագայում նման թեմաները կարող են կյանքի կոչվել։ Եվ քանի դեռ այդ կոնսենսուսը կաղում է կամ բացակայում է, պետք է անցնենք քննարկումների բավական երկար ճանապարհ»,- նշեց Քոչարյանը։
Ռոզա ՀՈՎՀԱՆՆԻՍՅԱՆ
Վայ այն երկրին, որի անվտանգության հարցերը քննարկում ու որոշում եք դու ու քեզ պես միջակությունները։