Ռազմարդյունաբերական ընկերությունների նոր եռամյա պայմանագրերի ծրագիրը բազմափուլ քննարկումներ է անցնում. ՊՆ-ի պարզաբանումը

Մամուլում անանուն նամակի հիման վրա հրապարակվել է հոդված՝ ռազմարդյունաբերական ընկերությունների հետ նոր եռամյա պայմանագրերի ծրագրի վերաբերյալ, որում ներկայացված են մի շարք սխալ ենթադրություններ։

Տեղեկացնում ենք, որ ռազմարդյունաբերական ընկերությունների նոր եռամյա պայմանագրերի ծրագիրը բազմափուլ քննարկումներ է անցնում։

Այս տարվա հունվար-փետրվար ամիսների ընթացքում գերատեսչություններում մի շարք հանդիպումներ և խորհրդակցություններ են տեղի ունեցել ռազմարդյունաբերական ընկերությունների հետ եռամյա ծրագրի նախագծի վերաբերյալ, որոնք ուղղված են ռազմարդյունաբերական համալիրի զարգացմանն ու տեղական արտադրության խթանմանը։ Վերջին՝ առավել լայն ընդգրկմամբ քննարկումը տեղի է ունեցել փետրվարի 27-ին ՀՀ Անվտանգության խորհրդի նիստում։

Ինչ վերաբերում է այս գործընթացի ժամկետներին, հայտնում ենք, որ առաջիկա մեկ ամսվա ընթացքում Կառավարությունը կընդունի համապատասխան որոշում, որի հիման վրա կկնքվեն գնման պայմանագրերը։

Կարդացեք նաև

Վերջին տարիներին ԶՈւ-ում արձանագրվել է ինքնասպանության հասցնելու շուրջ 40 դեպք. «Բռնության տևական կիրառում, բոլորի առջև, բայց ոչ ոք չէր խառնվում»

• 13:08 09.04.2026

Հայտնաբերվել է զինծառայող Դավիթ Արմենի Մանուկյանի դին

• 20:32 07.02.2026

Քննարկվել է ՊՆ 2025 թ. գործունեության հաշվետվությունը

• 18:11 26.01.2026

Ըստ այդմ՝ բոլոր գործընթացները մինչև հունիսի սկիզբ ավարտված կլինեն։

Սա 2023-2025 թթ. ծրագրի շարունակությունն է, որի շրջանակում ՀՀ Կառավարությունն ավելի քան 171 միլիարդ դրամի պայմանագիր է կնքել մոտ 28 ոլորտային ընկերությունների հետ՝ որպես ազգային ռազմարդյունաբերական համալիրի զարգացման կարևոր քայլ։ Նոր ծրագիրն արդեն նախանշված է 2026-2028 թվականների համար ավելի քան 150 մլրդ դրամ բյուջեով, և պաշտպանության նախարարությունն այս պահին նախաձեռնության շուրջ բանակցություններ է վարում ավելի քան 30 ընկերությունների հետ։

Նախորդ եռամյա ծրագրի քննարկումները, հիշեցնենք, տևել են մոտ 6 ամսից մինչև մեկ տարի։

ՀՀ պաշտպանության նախարարություն