Վարչապետ Նիկոլ Փաշինյանը ներկա է գտնվել «Յուվենտուս» հայաստանյան ակադեմիաների շնորհանդեսին: Միջոցառմանը հատուկ մասնակցելու նպատակով Հայաստան են ժամանել իտալական «Յուվենտուս» ֆուտբոլային ակումբի լեգենդ, Աշխարհի ու Եվրոպայի չեմպիոն, ներկայումս ՖԻՖԱ-ի դեսպան Դավիդ Տրեզեգեն և «Յուվենտուս»-ի միջազգային ակադեմիաների համակարգող Դավիդե Ֆորնական:
Շնորհանդեսի ժամանակ ներկայացվել են ապագա ակադեմիաների նախագծերը, միջազգային բարձր չափանիշներին համապատասխանող ենթակառուցվածքները և ՈՒԵՖԱ-ի երկրորդ կատեգորիային համապատասխանող նոր մարզադաշտը:
ՀՀ Կառավարության 2024թ. օգոստոսի 29-ի որոշմամբ հավանություն է տրվել «Նեքստ Ջեն Սպորտս» ընկերության ներդրումային ծրագրին: Ըստ այդմ՝ Ավան վարչական շրջանում մոտ երկու հեկտար մակերեսով հողատարածքը 25 տարի ժամկետով անհատույց օգտագործման իրավունքով և 1 մլրդ դրամ ներդրման պայմանով տրվել է «Նեքստ Ջեն Սպորտս» ընկերությանը: Հրազդան մարզադաշտի հարևանությամբ գտնվող մոտ երկու հեկտար հողատարածքն օտարվել է ընկերությանը՝ շուկայական գնով, 10 տարի տարաժամկետ վճարման և հինգ տարում 1,2 մլրդ ներդրում կատարելու պայմանով: Վերը նշված տարածքներում հիմնվելու են «Յուվենտուս» հայաստանյան ակադեմիաները:
Կարդացեք նաև
ՀՀ վարչապետի աշխատակազմ
Հերթական քամիները։ էտ տարածքներում արդեն կան ֆուտբոլի դպրոցներ Փյունիկի ակադեմիան ու Ավանի ակադեմիան։ հիմնեղ էին թող մարզերում հիմնեին ասենք Տավոշում Վայքում։ ըբդեղ հողը շատ ավելի էժանա։ մենակ էդքանով ակնհայտա որ ընտրություններին ընդառաջ հերթական քամիներնա, ոնց ժամանակին Մերձավանի կենցաղային տեխնիկայի գործարանը, Աջափնյակի մետրոն։