Կանխել բռնության, ատելության խոսքի, թշնամանքի դեպքերը, ապահովել հանրային համերաշխություն, խոշտանգման, անմարդկային ու արժանապատվությունը նվաստացնող վերաբերմունքի կանխարգելմանն ու հետապնդմանն ուղղված գործուն մեխանիզմներ: Այս նպատակներն ուրվագծված են 2023-2025 թվականների Գործողությունների ծրագրում, որը բխում է Արդարադատության նախարարության կողմից մշակված Մարդու իրավունքների պաշտպանության ազգային ռազմավարությունից: Հայաստանը ռազմավարական փաստաթղթերի միջոցով սահմանել է մարդու իրավունքների օրակարգը;
«Երբ առավոտյան ֆեյսբուքի լրահոսը բերեց այդ գրառումը, մտածեցի՝ գուցե էջը կոտրել են»,- Մարդու իրավունքների պաշտպանության ազգային ռազմավարության վերաբերյալ Մեդիա կենտրոնում կայացած քննարկման ժամանակ ասաց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը՝ անդրադառնալով Նիկոլ Փաշինյանի աղմկահարույց գրառմանը:
«Եթե գրառումը դիտարկում ենք մարդու իրավունքների տեսանկյունից, առաջին հերթին դա կոպտագույն, անթույլատրելի խախտում է, ամենաբարձր պաշտոնատար անձի կողմից՝ մարդու անձնական կյանքի անհամաչափ, ոչ իրավաչափ միջամտություն…Հրապարակվում է տվյալ, որը վերաբերում է մի շարք մարդկանց անձնական կյանքին, իսկ անձնական կյանքի միջամտության չափանիշները հստակ են՝ համապատասխան կոնվենցիայի հոդվածով: Կարող է միջամտություն լինել, եթե դա արվում է անվտանգային կամ այլ նկատառումներով, բայց տվյալ դեպքում որեւէ հիմնավորում չկա: Ավելին, ինքը չի կարող նման միջամտություն անել, որովհետեւ ինքը նման իրավասություն չունի»,-ասաց Արթուր Սաքունցը:
Կարդացեք նաև
Քննարկման ժամանակ ի թիվս այլնի, անդրադարձ եղավ նաեւ Աննա Հակոբյանի՝ սոցցանցերում արած ոչ պակաս աղմկահարույց գրառումներին: «Վարչապետի գրառումը հաջորդեց տիկին Հակոբյանի կողմից որոշակի բառապաշարի կիրառմանը… Իհարկե, մենք չենք անտեսում այն խոսույթը կամ այն կոպիտ միջամտությունը, որը եղել է ժամանակին նաեւ հենց Աննա Հակոբյանի անձնական կյանքի վերաբերյալ. տարատեսակ տեղեկությունների հրապարակումը, անվանարկումը, քաղաքացիական ամուսնության եւ իրավական ձեւակերպման փաստի հետ կապված շահարկումները… Բայց դա էլ վերաբերվում է գործադիր իշխանության ներկայացուցչի ինչ-ինչ վերաբերմունքի, ինչը կարող է դրսեւորվել նման միջամտություններով:
Եվրոպական դատարանն ունի հստակ պրակտիկա, որ իշխանության ներկայացուցիչները ենթակա են ավելի սուր քննադատության՝ ընդհուպ մինչեւ վիրավորական բնույթի, եւ խոսքի այդպիսի ոճը կարող է պաշտպանված լինել խոսքի ազատությամբ, կարծիքի արտահայտմամբ…Իսկ վարչապետի մակարդակով անձնական կյանքի միջամտությունն անթույլատրելի է: Ով ում հետ է քնում՝ դա իշխանության խնդի՞րն է: Եթե խոսքը վերաբերվում է եկեղեցուն, դա եկեղեցու խնդիրն է: Դու չպետք է եկեղեցու ներքին գործերին միջամտես»,-ասաց իրավապաշտպանը:
Գոհար ՀԱԿՈԲՅԱՆ
Լուսանկարը՝ Մեդիա կենտրոնի
Այս ապիկար արարածը, այստեղ եւս, ուղղակի ձայնակցում է՝ Փաշինյանին: Իբրեւ թէ զինք քնադատելով:
Իր ամբողջ ըսածին հիմքը այն է, որ Փաշինյանը խնդրոյ առարկայ խօսքերը, ըստ խորքի, ըստ էութեան, հաստատուած իրողութիւններ են, իսկական տուեալներ են: Որ՝ Սրբազանը սեռային յարաբերութիւններ ունի իր քեռու տիկնոջը հետ: Բայց, պէտք չէ որ այդ մասին խօսի Փաշինյանը:
Եախք:
Մ. Հայդուկ Շամլեան
Մ. Հայդուկ Շամլեան