Արցախի «Արդարություն» կուսակցության համանախագահ Հակոբ Հակոբյանը գրում է.
Նիկոլ Փաշինյանը շարունակում է իր ենթակայության տակ չգտնվողներին ներկայացնել որպես «պետական անվտանգության սպառնալիք»։ Արցախի պետական ինստիտուտներից հետո թիրախում է Հայ Առաքելական Եկեղեցին։ Այո, եկեղեցին՝ մեր ժողովրդի հոգևոր սյունը, մեր ինքնության վերջին ամրոցը։ Երբ իշխանությունը սկսում է պայքարել եկեղեցու դեմ, ներկայացնելով այն հոգևոր կամ պետական սպառնալիք՝ դա արդեն հոգևոր աղետ է։
Փաշինյանը խնդիր չունի կոռուպցիայի, բռնության, աղքատության դեմ, բայց ունի խնդիր եկեղեցու, լեզվի, պատմության, արժեհամակարգի հետ։ Սա հակապետական չէ՞։
Երբ պետությունը պատերազմ է հայտարարում սեփական հավատքին՝ դա արդեն քաղաքականություն չէ, դա ողբերգություն է։
Կարդացեք նաև
Եկեղեցին մնում է այն սրբությունը, որն իշխանությունը չի կարող գնել, վախեցնել կամ օգտագործել։ Եվ հենց այդ պատճառով էլ փորձում է ջախջախել։ Բայց եկեղեցին ապրելու է՝ նաև դրանից հետո։
Որովհետեւ ոչ մի իշխանություն հավերժ չէ։
