Արարատ Միրզոյանը 2023 թվականին 1,5 միլիոն դրամ է փոխանցել «Քաղաքացիական պայմանագրին», այդ եւ եւս 2 միլիոն 332 դրամ գումարի ծագումն անհայտ է. ԿԿՀ-ն շրջանցել է այս փաստը

Կոռուպցիայի կանխարգելման հանձնաժողովը հրապարակել է լրատվամիջոցների հրապարակումների ուսումնասիրությունների արդյունքների վերաբերյալ տեղեկանքը՝ 2025 թվականի առաջին եռամսյակի կտրվածքով եւ 2024 թվականի, որոնց ուսումնասիրությունը շարունակվել է 2025 թվականի առաջին եռամսյակում։

Նշյալ ժամանակահատվածում հանձնաժողովի կողմից ուսումնասիրվել են մամուլի 24 հրապարակումներ, որոնցից 7-ը վերաբերել են շահերի բախմանը, 1-ը՝ վարքագծի կանոններին, 16-ը՝ հայտարարագրերին:

Ուսումնասիրության՝ հայտարարագրերին վերաբերվող հատվածում տեղեկանում ենք, որ Սիսիան համայնքի ավագանու անդամ, Սիսիանի բժշկական կենտրոնի տնօրեն Անիկ Գրիգորյանի նկատմամբ Կոռուպցիայի կանխարգելման հանձնաժողովը վարչական վարույթ է հարուցել՝ հաշվի առնելով 2023 թվականի հայտարարագրում առկա առերեւույթ սխալ եւ ոչ ամբողջական տվյալները: Անիկ Գրիգորյանը 1 միլիոն դրամ էր նվիրաբերել իշխող «Քաղաքացիական պայմանագիր» կուսակցությանը, սակայն դրա աղբյուրը անհայտ է:

ԿԿՀ ուսումնասիրությունն իրականացվել է «Ինֆոքոմի» հրապարակման հիման վրա: Լրատվամիջոցն ուսումնասիրել էր 2023 թվականին իշխող «Քաղաքացիական պայմանագիր» կուսակցությանը նվիրատվություն կատարած հայտարարատու անձանց հայտարարագրերը և պարզել, որ որոշ պաշտոնյաների նվիրատվությունները գերազանցել են իրենց ունեցած միջոցները։

Կարդացեք նաև

Նորդիկ-բալթյան երկրները լիակատար աջակցություն են հայտնել Հայաստանի՝ Եվրոպական միության և Եվրոպայի մյուս գործընկերների հետ գործընկերությունը հետագա խորացնելու ձգտումներին

• 23:35 03.06.2025

«Անդաստիարակ», «անշնորհք», «ոչ արհեստավարժ», «սուս մնա», «ամոթ ձեզ», «չափն անցնել» արտահայտություններով Արարատ Միրզոյանը չի վիրավորել լրագրողին, այլ համարժեք պատասխան է տվել. ԿԿՀ

• 17:11 02.06.2025

Ժամանակն է բռունցքվելու, վճռականության և գործողությունների, որպեսզի ձևավորվի այնպիսի կառավարություն, որը առաջնահերթություն կտա մեր երկրի և ժողովրդի բարեկեցությանն ու ազգային արժեքների պաշտպանությանը․ ՀՀԿ

• 20:01 31.05.2025

Հանձնաժողովի հրապարակած տեղեկանքում նշվում է միայն Անիկ Գրիգորյանի մասով ուսումնասիրության արդյունքը՝ հավելելով, որ հրապարակման մեջ մատնանշված մյուս անձանց մասով ուսումնասիրությունն իրականացվել եւ ավարտվել է 2024 թվականին:

Սակայն, ուշագրավն այն է, որ ԱԳ նախարար Արարատ Միրզոյանի մասով տեղեկատվությունը նրբորեն շրջանցվել է:

Այսպես, «Ինֆոքոմի» հրապարակման համաձայն, 2023 թվականի տարեսկզբին նախարար Արարատ Միրզոյանը հայտարարագրել է 25 մլն 254 հազար դրամ կանխիկ և բանկային հաշիվների վրա առկա գումար։ Տարվա ընթացքում Միրզոյանը ստացել է 22 մլն 956 հազար դրամ եկամուտ՝ աշխատավարձից, եկամտահարկի վերադարձից և փոխառությունից ստացած տոկոսներից։ Տարեվերջին Միրզոյանի հայտարարագրած դրամական միջոցները դարձել են 36 մլն 352 հազար դրամ։

Եթե տարեսկզբին առկա դրամական միջոցներին գումարենք տարվա ընթացքում ստացած եկամուտները և դրանից հանենք տարվա վերջին առկա դրամական միջոցները, ապա կստանանք 11 միլիոն 858 հազար դրամ․ սա այն գումարն է, որը նախարարը պետք է ծախսած լիներ 2023 թվականի ընթացքում։ Սակայն, 2023-ին Արարատ Միրզոյանի ծախսերը կազմել են 14 մլն 190 հազար դրամի․ նա մարել է վարկը, վերանորոգել անշարժ գույքը։

Այսպիսով, Միրզոյանի ծախսած 2 միլիոն 332 հազար դրամի ծագումն անհայտ է։ Ավելին, նա 2023 թվականի ընթացքում շուրջ 1.5 մլն դրամ է փոխանցել ՔՊ կուսակցությանը՝ անհայտ ծագման գումարի չափը դարձնելով շուրջ 3.8 մլն դրամ։ Այս հաշվարկում լրատվամիջոցը չի ներառել նախարարի հնարավոր ընթացիկ ծախսերը։

Արարատ Միրզոյանի հայտարարագրի անհամապատասխանության մասով՝ ԿԿՀ-ից լրատվամիջոցին փոխանցած տեղեկության մեջ ոչինչ չկա: Այդ մասով տեղեկություն չգտանք նաեւ ԿԿՀ կայքում:

Նելլի ԳՐԻԳՈՐՅԱՆ