Նա նախկինում ունեցել է Հովհաննիսյան ազգանունը, բացի այդ նա ինստագրամում միշտ ներկայանում է հայ՝ տարբեր կոչեր անելով Մոսկվայում ապրող հայերին։
«Արեգին մեքենայի բեռնախցիկ տեղափոխողները ոստիկանությանը հայտնել են, որ իրենք «Ռոսգվարդիայի» ակտիվ սպաներ են և օպերատիվ միջոցառում են անցկացնում: SHOT-ի նախնական տեղեկությունների համաձայն՝ նրանք իսկապես ունեն կոչումներ և փաստաթղթեր, որոնք հաստատում են իրենց կապը անվտանգության գործակալության հետ: Սակայն դեռևս պարզ չէ, թե արդյոք նրանք իրավական հիմքեր ունեին նման ձերբակալության համար»,-գրում է SHOT տելեգրամ ալիքը։
Տելեգրամյան ալիքները նշում են, որ Արեգ Շչեպիխինը սոցիալական ցանցի իր էջերում մի քանի տեսանյութ է հրապարակել, որով քննադատել է ադրբեջանցիներին, միևնույն ժամանակ, որոշակի գնահատականներ հնչեցրել նաև չեչենների նկատմամբ։ Հատկանշական է, որ գործարարի առևանգումից հետո ի սկզբանե հայտարարություններով հանդես են եկել ադրբեջանական տելեգրամյան ալիքները՝ սլաքներն ուղղելով դեպի Չեչնիա։ Պարզվեց, սակայն, որ Չեչնիայում քննություն է իրականացվել։
Մասնավորապես, Չեչնիայի իշխանությունները հայտարարել են, որ հայ բլոգեր և ձեռնարկատեր Արեգ Շչեպիխինը չի առևանգվել, այլ ձերբակալվել է։ Չեչնիայի Ներքին գործերի նախարարությունը, ինչպես հայտնում են իշխանությունները, հետաքննություն է անցկացնում Շչեպիխինի կողմից հավատացյալների կրոնական զգացմունքները վիրավորելու նպատակով կատարված հրապարակային գործողությունների վերաբերյալ։
