«Արցախի կործանումից ու այդ սրբությունները վաճառելուց հետո՝ այս մարդիկ մնացել են անպատիժ, ու այսօրը հենց դրա արդյունքն է: Ցավոք, շարունակական է լինելու նման ցավալի իրավիճակը, ականատես կլինենք մեր ազգի հերթական նվաստացմանը, կործանարար գործողություններին»,-«Հայելի» ակումբում ասաց «Վերածնվող Արցախ» ՀԿ-ի նախագահ Անաստաս Իսրայելյանը՝ անդրադառնալով Նիկոլ Փաշինյանի եւ Աննա Հակոբյանի կողմից Հայոց եկեղեցին թիրախավորելու դրսեւրումներին:
Նրա խոսքով. «Այն, որ հասել են եկեղեցուն, դա նշանակում է՝ արդեն հայ ազգին կործանելու իրենց վերջին միջոցներն են գործադրում: Ժողովուրդը չէր էլ սպասում, որ կհասունանա մի իրավիճակ, երբ ամեն մեկս կհասկանա յուրաքանչյուրի կործանումը: Հիմա այդ իրավիճակն է: Նորից եմ կրկնում՝ սուրբ Արցախը կործանելուց հետո սրանք սկսել են վաճառել մեր մյուս սրբությունները…Հազարամյակներով հայ ազգը ամեն ինչ հաղթահարել է իր հավատքով, ծանր իրավիճակներում միշտ եկեղեցին է հայ ազգի համար եղել փրկություն, եկեղեցու շնորհիվ ենք մինչ օրս որպես հայ ու ազգ գոյատեւում ենք այս տարածաշրջանում: Դրա համար եկեղեցու հետ կատարվողին պետք է արձագանքի ամեն մի հայ…ժողովուրդ, բացեք ձեր աչքերը, անտարբեր ու ոչ վճռական լինելով, գործնական պրոցեսներ չիրականացնելով, միայն քննադատություններով՝ ոչ մի բանի չենք հասնի:
Այն մանիպուլյացիաները, գործողությունները, որ իրականացվում են ներկա իշխանության ղեկավարների կողմից, հաջորդ վտանգավոր ծրագրերի իրականացման փուլն են: Այս իշխանությունները փուլ առ փուլ իրականացնում են այն ծրագիրը, որ մայր Հայաստանը եւս վերջնականապես կործանվի»:
Անաստաս Իսրայելյանը կոչ է անում ոտքի կանգնել՝ հիշեցնելով ամեն մեկդ խաչ եք կրում:
Կարդացեք նաև
Գոհար ՀԱԿՈԲՅԱՆ
