ՆԳ նախարար Արփինե Սարգսյանը հերքում է մամուլի հրապարակումները, ըստ որոնց ՝ոստիկանապետ Արամ Հովհաննիսյանն ազատվել է աշխատանքից՝ Արփինե Սարգսյանի հետ վեճի պատճառով։ Այսօր խորհրդարանում լրագրողների հետ ճեպազրույցում, Արփինե Սարգսյանը հայտարարեց, որ Արամ Հովհաննիսյանի հետ վեճ չի ունեցել, իսկ նրա ազատումն աշխատանքից, պայմանավորված է համակարգում բարեփոխումներով։
Հարցին՝ ճի՞շտ է տեղեկությունը, որ նոր ոստիկանապետն ազգակցական կապ ունի քրեական հեղինակություն «Քանաքեռցի Տույի» հետ, Արփինե Սարգսյանը պատասխանեց, որ համակարգ աշխատանքի ընդունելիս մանրամասն ստուգողական գործողություններ են իրականացվում, Արամ Ղազարյանի դեպքում էլ են իրականացվել։ Ըստ նրա, անկախ ազգակցական կապերից, պարոն Ղազարյանն ունի այն մարդկային եւ մասնագիտական որակները, որոնք պահանջվում են տվյալ պաշտոնում պաշտոնավարելու համար։ Արփինե Սարգսյանը հավաստիացնում է՝ տվյալ քրեական հեղինակության հետ ազգակցական կապը որեւէ կերպ չի կարող ազդեցություն ունենալ Արամ Ղազարյանի պաշտոնավարման հետ։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
