Կառավարության այսօրվա նիստում գլխավոր դատախազ Աննա Վարդապետյանը ներկայացրեց ապօրինի ծագում ունեցող գույքի վերադարձի վերաբերյալ վերջին տվյալները։ Մասնավորապես, նաեւ ասաց, որ Սամվել Մայրապետյանի՝ Ծաղկաձորի 1 մլն դոլար արժեքով հողամասը կառավարության առաջիկա նիստում կփոխանցվի կառավարության լիազոր մարմնին։
Մանրամասները՝ տեսանյութում
Նիկոլ Փաշինյանը դարձյալ անդրադարձավ նախկին պաշտոնյաներին։ «Դիլիջանի մանկապարտեզին ես կառավարության նախորդ նիստերից մեկում անդրադարձել էի, ընդ որում, ես այսպիսի մի ձեւակերպում էի արել, որ նախկին մի պաշտոնյայի ընտանիքի հետ է կապված այդ մանկապարտեզի հարցը եւ պատմությունը։ Եվ հետո՝ այդ կառավարության նիստից դուրս եմ գալիս, տեսնեմ՝ այդ նախկին պաշտոնյան՝ թուր-թվանքն առած, ընկել է ինչ-որ գրառումներ է անում։ Եվ այդ պաշտոնյան ԱԳ նախկին նախարար Վարդան Օսկանյանն է, որի կնոջ հետ կապված էր այս պատմությունը։ Եվ զարմանում եմ, մեկը կարա՞ բացատրի, Վարդան Օսկանյանը եւ իր կինն ինչ կապ ունեն, որ Դիլիջանում պետք է մանկապարտեզ վերցրած լինեն։
Կարդացեք նաև
Էս վերջերս էլ վերնագրեր են տարածում՝ վարչապետը չգիտեմ ինչ հենակետային քոլեջի շենքը նվիրել է իր դստերը։ էս մարդիկ մի խնդիր ունեն՝ ցույց տալու, որ մենք իրենց նման ենք։ Իրենք արդեն չեն էլ փորձում ապացուցել, որ իրենք թալանչի, սրիկա, ստահակ են։ Իրենք հիմա ուրիշ խնդիր են դրել՝ վարչապետը Ֆրանսիայում 3 մլն եվրոյով տուն է գնել։ Մի երկու հատ դաշնակ-մաշնակ կա Ֆրանսիայում, տանում 3 եվրոյով կայք են բացում, մեջը ինչ զառանցանք ասես գրում են։ Եվ մենք սխալվում ենք, երբ կոռեկտություն ենք պահում։
Օրինակ՝ մենք պաշտոնապես չենք արձանագրել, որ Ռոբերտ Քոչարյանը կաշառակեր է։ Եվ դա արձանագրված է դատարանի որոշմամբ։ Մարդը գնացել է, իր դեմ կաշառքի գործով ասել է՝ վաղեմության ժամկետ կիրառեք։ Դա տեղի է ունենում այն ժամանակ, երբ ինքը խոստովանում է, որ կաշառակեր է։ Հիմա ՀՀ դատական համակարգում պաշտոնապես արձանագրվել է, որ ՀՀ երկրորդ նախագահի պաշտոնը զբաղեցրած անձը կաշառակեր է։ Հիմա սրանից հետո ես երբ ելույթ ունենամ, Ռոբերտ Քոչարյանի անունը հնչի, ասելու եմ՝ կաշառակեր Ռոբերտ Քոչարյանը»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
