-Այո՛, 7 միլիարդով ավելացել է Հայաստանի արտաքին պարտքը, բա էդ որ գալիս, ասում եք՝ աշխատավարձերը բարձրացրեք, գնացեք զենք առեք, պաշտպանողական զենք ենք գնել,- այսօր լրագրողների հետ զրույցում ասաց ԱԺ նախագահ Ալեն Սիմոնյանը:
Լրագրողի դիտարկմանը՝ «պադավատներ» էլ եք գնել, պարոն Սիմոնյանն այսպես արձագանքեց. «Ազգային ժողովի ֆոնդից գնված մեքենա է, դա նորմալ է: Ես հասկանում եմ՝ որոշ մարդիկ ուզում են, որ սպանություններ տեղի ունենան: Ես մտածում եմ՝ այնուամենայնիվ, իմ մեքենան պետք է փոխեմ եւ զրահապատել տամ, ուղղակի գումարի չլինելու համար… »:
Իսկ որտեղից է Ալեն Սիմոնյանի մեջ առաջացել սպանությունների մտավախությունը, նա այդ մասով էլ պարզաբանեց. «Մի դաշնակցական կա, որը իրավունք է իրեն վերապահել ասել, որ հոկտեմբերի 27-ը պոռթկում էր ու հետո ասում է՝ նման բան է տեղի ունենալու ու դա ուրախություն է առաջացնելու: Ես հասկանում եմ՝ այն մարդիկ, որոնք խոսում են անվտանգության, զրահապատ մեքենայի մասին, ուզում են, որ Հայաստանում քաղաքական սպանություններ տեղի ունենան: Հայաստանում 2018 թվականից այս կողմ քաղաքական սպանությունների թեման փակված է, իսկ այդ դաշնակցականը պատասխան է տալու, թող իմանա»:
Կարդացեք նաև
Հիշեցնենք, որ ՀՅԴ բյուրոյի նախկին ներկայացուցիչ Հրանտ Մարգարյանն էր իր հարցազրույցում կարծիք հայտնել, որ Հոկտեմբերի 27-ը պոռթկում էր եւ այն կարող է կրկնվել։
Արփինե ՍԻՄՈՆՅԱՆ
Արխիվային լուսանկարում՝ Ալեն Սիմոնյանն ԱԺ ամբիոնիզ պարզում է սպանված դաշնակցական Պողոս Պողոսյանի լուսանկարը
