Փաստաբան Վահան Հովհաննիսյանը ֆեյսբուքյան իր էջում գրում է․
«ՀՀ Սահմանադրության 6-րդ հոդվածի համաձայն՝
Պետական և տեղական ինքնակառավարման մարմիններն ու պաշտոնատար անձինք իրավասու են կատարելու միայն այնպիսի գործողություններ, որոնց համար լիազորված են Սահմանադրությամբ կամ օրենքներով:
ՀՀ վարչապետը սահմանադրությամբ և օրենքներով նախատեսված իր ո՞ր լիազորությունն է իրականացնում արշավ սկսելով եկեղեցու դեմ, միջամտելով հոգևորականների անձնական կյանքին։ Ո՞ր օրենքով է սահմանված նրա այդպիսի լիազորությունը։ Ո՞ր։
Կարդացեք նաև
Եթե իրավապահ մարմինները չեն տալիս այս հարցի պատասխանը, ապա պարտավոր են քրեաիրավական գնահատական տալ վարչապետի գործողություններին՝ որպես իշխանական լիազորությունների վերազանցում։
Եթե իշխանական լիազորությունների վերազանցման պարագայում իրավապահ մարմինները քրեական հետապնդում չեն հարուցում վարչապետի դեմ, ապա իշխանական անգործության համար հետագայում քրեական հետապնդում է հարուցվելու նրանց դեմ»։
