«Սա քաղաքական հավաք չէ, սա զուտ հավաք է՝ հաջակցություն մեր Եկեղեցու՝ Հայ առաքելական սուրբ եկեղեցու, եւ մեր Վեհափառի»։ Այս մասին ասել է ԱԺ նախկին պատգամավոր, ԱԱԾ նախկին պետ, ընդդիմադիր «Հայրենիք» կուսակցության նախագահ Արթուր Վանեցյանը՝ «Զվարթնոց» միջազգային օդանավակայանում Ամենայն Հայոց Կաթողիկոսի դիմավորման հավաքի ժամանակ լրագրողների հետ ճեպազրույցում։
«Տեսանք Արցախի կորուստ, տեսանք հազարավոր զոհեր, տեսանք հայրենիքի ուրացում։ Ցավոք սրտի, տեսնում ենք մի բան, որը, էլի, չէինք կարող պատկերացնել», – հայտարարել է Վանեցյանը։
Նա հույս հայտնեց, որ «ժողովուրդն այսօր մեծ բազմությամբ կլինի այստեղ [«Զվարթնոց» օդանավակայանում], եւ իրենց աջակցությունը կհայտնեն Հայ առաքելական սուրբ եկեղեցուն եւ Վեհափառին»։
Ըստ նրա՝ այդպես իշխանությունը կարձանագրի, որ ժողովուրդը կանգնած է Հայկական եկեղեցու կողքին։
Կարդացեք նաև
Արթուր Վանեցյանը հրաժարվեց պատասխանել լրագրողի հարցին՝ Փաշինյանի հակաեկեղեցական եւ հակասահմանադրական արշավին դիմադրելու գործում ԱԱԾ-ն անելիք չունի՞։ Վանեցյանը շեշտեց՝ չի ցանկանում թիրախավորել իրավապահ համակարգին։
Արսեն ԱՅՎԱԶՅԱՆ
