«Նիկոլ Փաշինյանը նոր չէ, որ պայքարում է Հայ առաքելական եկեղեցու դեմ։ Ինքը հենց իշխանության գալու հաջորդ օրվանից պայքարել է Եկեղեցու դեմ», – Գարեգին Բ Ամենայն Հայոց Հայրապետի դիմավորման հավաքի ժամանակ լրագրողներին ասել է ԱԺ «Հայաստան» խմբակցության պատգամավոր Իշխան Սաղաթելյանը՝ հավելելով, որ եթե սկզբում Փաշինյանը «տակից» էր պայքարում, այժմ «բացահայտ» է արշավում։
Ըստ Սաղաթելյանի՝ հավաքին քաղաքացիների մասնակցությունն ապացուցում է, որ Հայաստանյայց եկեղեցին մենակ չէ։
Իշխանափոխության համատեքստում պատգամավորն ընդգծեց․ «Եթե ուզում եք այդ հրեշին մտցնել իր բունը, պետք է լինի համապատասխան արձագանք՝ պայմանավորվելով, համագործակցելով»։
Լռությամբ խնդիրը չի լուծվի, համոզված է Իշխան Սաղաթելյանը։
Կարդացեք նաև
Նա հստակեցրեց՝ այսօրվա հավաքը Եկեղեցու հետ համերաշխության նշան է, իսկ հետագա քաղաքական ծրագրերի եւ քայլերի մասին կխոսվի այլ «պատշաճ վայրում»։
Արսեն ԱՅՎԱԶՅԱՆ
