«Բոլորիս մտահոգում է Երեւանում խցանումների հարցը, վերջը մենք ի՞նչ ենք մտածում»,- ԱԺ մշտական հանձնաժողովների համատեղ նիստում 2024 թվականի բյուջեի կատարողականի ներկայացման ժամանակ Երեւանի քաղաքապետ Տիգրան Ավինյանին հարցրեց ՔՊ խմբակցության պատգամավոր Սերգեյ Բագրատյանը։
Ավինյանն ի պատասխան ասաց, որ բոլոր քաղաքների փորձը ցույց է տալիս մեկ բան՝ քաղաքում շարժունակության ամենավատ մեթոդը ավտոմեքենաներն են։
«Ի՞նչ ենք մենք պլանավորել։ Վերլուծությունները ցույց են տալիս, որ մենք ավտոմեքենաների համար պետք է որոշակի սահմանափակումներ մտցնենք փոքր Կենտրոնում։ Դա էականորեն փոխում է հետիոտնային տեղաշարժի հոսքը։ Մենք պետք է ստեղծենք հեծանիվների համար համապատասխան ենթակառուցվածքներ։ Հաջորդ շղթան հանրային տրանսպորտն է, որտեղ ունենք ձեռք բերվելիք 250 էլեկտրական ավտոբուսներ։ Եվ դրանից հետո նոր գալիս է մեքենան։ Եվ այս ավտոբուսների գծերն ենք շարունակում ավելացնել քաղաքում, շատ շուտով դուք տեսնելու եք նոր ավտոբուսային գծեր Երեւան քաղաքում։ Այսինքն՝ մարդը պետք է իմանա, որ Երեւան քաղաքով տեղաշարժվելու լավագույն միջոցը որոշ դեպքերում հետիոտնայի տեղաշարժն է, որոշ դեպքերում հեծանիվն է կամ ինքնագլորը, եւ մնացած դեպքերում՝ հանրային տրանսպորտը։ Այսինքն՝ էն փուլը պիտի գա, որ ավտոմեքենաներից կշտանանք եւ սկսենք սահմանափակումներ իրենց նկատմամբ»,- ասաց Տիգրան Ավինյանը։
Կարդացեք նաև
Ռոզա ՀՈՎՀԱՆՆԻՍՅԱՆ
