«Էներգետիկան, աուրան, մարդկանց ներկայությունը բավականին տպավորիչ էր։ Այդքան կարճ ժամկետում սոցիալական ցանցում մեկ-երկու հրապարակում տեսնելով՝ մեծ թվով մարդկանց հավաքվելն ինձ համար ցուցիչ էր, որ համոզիչ չեն այն պնդումները, թե Հայաստանի հասարակությունը կոտրված է, ոչ մի բանի չի հավատում, չկան ելքեր․․․ Ամեն դեպքում, երեկվա տեղի ունեցածը հերքում է այդ վարկածը»,-«Հայելի» ակումբում նշեց Ադրբեջանի հարցերով փորձագետ Գառնիկ Դավթյանը՝ անդրադառնալով Վեհափառ հայրապետին իրենց աջակցությունը հայտնելու համար «Զվարթնոց» օդանավակայանում մարդկանց հավաքին։
«Ինչ վերաբերվում է մարդկանց ներկայությանը, հիմնական մասսան էր, որը մասնակցում է ցույցերին, ինչպես եւ ես, դեմքով իրար գիտենք, բայց կային նաեւ առնվազն ինձ համար անծանոթ շատ-շատ մարդիկ։ Դա էլ է ինձ համար ցուցիչ լավ առումով, թե ինչքանով է եկեղեցու դեմ ահաբեկչությունը կարեւորություն ներկայացնում հասարակության շրջանում։ Այնպես որ, տպավորությունս դրական էր։ Մարդիկ ուզում էին ցույց տալ, որ եւ ֆիզիկապես, եւ հոգեպես Վեհափառի կողքին են, եւ կա կոնսենսուս հասարակության մեջ, չնայած որոշ ազգադավերի գործողությունների, որոնք փորձ են անում թիրախավորել եկեղեցին»,-ասաց Գառնիկ Դավթյանը։
Նրա ձեւակերպմամբ․ «Նիկոլենց քարոզչական աղմուկից սոսկ տպավորություն է ստեղծվում, որ հայրենադավերը բազմաթիվ են, բայց դա ընդամենը քարոզչական տեխնոլոգիա է։ Իրենք փորձում են աղմուկով ճնշել բազմահազարանոց մարդկանց մտահոգությունները, պահանջատիրությունը, հայրենասիրությունը։ Երեկվա՝ Վեհափառին դիմավորելը եւ եկեղեցու հետ լինելը շատ կարեւոր էր, որովհետեւ դա ոչ միայն հույս առաջացրեց, այլեւ ոգու ամրություն բերեց։ Հայաստանի հասարակությունը դավանում է ոչ միայն հոգեւոր, կրոնական բարձր արժեքների, այլեւ պահանջատիրության անչափելի մեծության»։
Կարդացեք նաև
Գոհար ՀԱԿՈԲՅԱՆ
