«Վերջերս մտածում եմ, որ ինչ-որ առումով սկսում եմ կրկնվել՝ Նիկոլի դեմ անընդմեջ ելույթ ունենալով, որովհետեւ իր հանցագործություններն անթիվ են եւ գնալով մի կողմից կրկնվում են, մյուս կողմից՝ շատանում»,- «Հայելի» ակումբում ասաց Բուդդայականության հոգեւոր ուսուցիչ Էլեոնորա Մանանդյանը՝ դիմելով նրանց, ովքեր իր ձեւակերպմամբ՝ մտահոգված են մեր երկրի ճակատագրով, բայց սպասում են եռացող պայքարի կայծի:
«Հատել է վերջին կարմիր գիծը, հասել ենք այսպես կոչված անդառնալի կետի, որից հետո մարդն ամբողջությամբ ընկղմվում է չարիքի մեջ: Եվ Նիկոլն ամբողջությամբ ընկղմված է չարիքի մեջ, ու հիմա երբ ինքը հարձակվում է Հայ Առաքելական եկեղեցու վրա, ուզում եմ մարդկանց բացատրել, թե ինչ է իրականում կատարվում, որպեսզի մենք առերեսվենք այն ամբողջ չարիքի հետ, որը Նիկոլը փաստացի իրականացնում է»,-ասաց Մանանդյանը:
«Պետք է հաշվի առնենք, որ եկեղեցու դեմ իր հերթական արշավով իրականում նա կոծկում է նախատեսվող պատերազմը, որովհետեւ Նիկոլը պատրաստվում է հանձնել Սյունիքը: Դրա մասին բոլորն արդեն խոսում են: Իսկ եթե կորցնենք Սյունիքը, ընդհանրապես անիմաստ է լինելու մտածել, որ ունենք Հայաստանի Հանրապետություն»,-ասում է Մանանդյանը:
Բուդդայականության Հոգևոր Ուսուցիչն ընդգծում է. «Ոչ ոք իրավունք չունի հարձակվել հոգեւորականների վրա: Դեռեւս 2000 տարի առաջ տեր Հիսուս Քրիստոսը հստակ սահմանել է՝ Աստծունը՝ Աստծուն, Կեսարինը՝ Կեսարին: Ինքնամաքրման պրոցես է, հնարավոր է, որ որոշակի խնդիրներ ունի ազգը, որոնք ներթափանցել են նաեւ եկեղեցի: Հնարավոր է, որ եկեղեցին էլ որոշակի խնդիրներ ունի, բայց պետք է սատարել, որ եկեղեցին մաքրվի, ոչ թե հարձակվել եկեղեցու վրա»:
Կարդացեք նաև
Գոհար ՀԱԿՈԲՅԱՆ
