Հունիսի 13-ի վաղ առավոտյան Իսրայելը թիրախավորված հարվածներ է հասցրել Իրանի տարածքին։
Հարվածների հետևանքով առայժմ հայտնի է, որ սպանվել են
⚫️Իրանի ԶՈւ ԳՇ պետ Մոհամմադ Բաղերին,
⚫️ԻՀՊԿ հրամանատար Հոսեյն Սալամին,
Կարդացեք նաև
⚫️«Խաթամ ալ-Անբիա» կենտրոնական շտաբի (ՀՕՊ) հրամանատար Ղոլամալի Ռաշիդն ու նրա որդին,
⚫️Միջուկային գիտնականներ Մոհամմադ Մեհդի Թեհրանչին և Ֆերեյդուն Աբբասին։
🔴ԻԻՀ գերագույն առաջնորդը «ծանր պատիժ» է խոստացել։
Իրանի ԱԳՆ․ «Իրանն օրինական իրավունք ունի պատասխանել Իսրայելի ագրեսիային։ Իրանի դեմ ագրեսիայի վտանգավոր հետևանքների պատասխանատվությունը կրելու են Իսրայելի ռեժիմը և նրա կողմնակիցները։
❗️Իրանի դեմ սիոնիստական ռեժիմի ագրեսիվ գործողությունները չէին կարող իրականացվել առանց Միացյալ Նահանգների համակարգման և թույլտվության։ Հետևաբար, ԱՄՆ կառավարությունը, որպես այս ռեժիմի գլխավոր կողմնակից, նույնպես պատասխանատու կլինի սիոնիստական ռեժիմի արկածախնդրության վտանգավոր հետևանքների համար»:
❗️Ըստ ԱԳՆ-ի՝ Իրանի պատասխանը կլինի այն ձևով, ինչպես երկրի ԶՈւ-ն կորոշի։
🔴Իրանի հոգևոր առաջնորդի կոչով դիմել է իր ժողովրդին՝
«Իրանի վսեմ ժողովուրդ,
Սիոնիստական ռեժիմն այսօր առավոտյան իր կեղտոտ և արյունոտ ձեռքը երկարեց մեր սիրելի երկրի դեմ նոր հանցագործությամբ՝ ավելի քան երբևէ բացահայտելով իր չար էությունը և թիրախ դարձնելով բնակելի կենտրոնները։
Ռեժիմը պետք է սպասի խիստ պատժի։
ԻԻՀ Զինված ուժերի հզոր ձեռքը, Աստծո կամքով, նրան հանգիստ չի տալու։
Թշնամու հարձակումների հետևանքով մի շարք հրամանատարներ և գիտնականներ նահատակվել են։ Նրանց փոխարինողներն ու գործընկերները, անհապաղ անցել են իրենց պարտականությունների կատարմանը։
Սիոնիստական ռեժիմը այս հանցագործությամբ իր համար պատրաստեց դառը և ցավալի ճակատագիր, որը հաստատ կստանա»:
Հրապարակումները՝ իրանագետ Ժաննա Վարդանյանի տելեգրամյան ալիքից եւ իրանագետ Արտյոմ Տոնոյանի ֆբ էջից
