«Այս կարգի երկարատեւ քննարկման արժանացած նախագիծ դեռ չէր եղել եւ սա խոսում է հենց նախագծի զգայունության, հանրային համերաշխության, արդարության, հակասահմանադրականության կամ Սահմանադրությանը համապատասխանության մասով»,- խորհրդարանում լրագրողների հետ զրույցում ասաց ՀՀ պաշտպանության փոխնախարար Արման Սարգսյանը՝ խոսելով Ազգային ժողովի պաշտպանության եւ անվտանգության հարցերի մշտական հանձնաժողովի նիստում քննարկված եւ բացասական եզրակացություն ստացած ՔՊ-ական պատգամավոր Հայկ Սարգսյանի հեղինակած «Զինվորական ծառայության եւ զինծառայողի կարգավիճակի մասին» օրենքում փոփոխություններ կատարելու մասին, «Զինվորական ծառայության եւ զինծառայողի կարգավիճակի մասին» օրենքում լրացումներ եւ փոփոխություն կատարելու մասին» 2024 թվականի հունվարի 16-ի ՀՕ-23-Ն օրենքում փոփոխություն կատարելու մասին, «Պետական տուրքի մասին» օրենքում փոփոխություն եւ լրացում կատարելու մասին, Հայաստանի Հանրապետության քրեական օրենսգրքում լրացում կատարելու մասին օրենքի նախագծերի փաթեթի մասին։
Այս փաթեթն իր վերջնական գնահատականին կարժանանա ԱԺ լիագումար նիստում։
Թեեւ հանձնաժողովի նախագահ Անդրանիկ Քոչարյանը նիստի ժամանակ տարակուսել էր, որ պաշտպանական գերատեսչությունը հստակ դիրքորոշում չի ներկայացրել փաթեթի վերաբերյալ, փոխնախարարը պնդում է՝ կառավարության դիրքորոշումը շատ հստակ է։
Այս թեմայով այլ հարցերի փոխնախարարը չպատասխանեց։
Կարդացեք նաև
Նելլի ԳՐԻԳՈՐՅԱՆ
