2024 թ. մարտի 20-ին էլեկտրոնային եղանակով Երեւան քաղաքի առաջին ատյանի ընդհանուր իրավասության քաղաքացիական դատարանին է դիմել Անգին Ղուկասյանը:
Արձակագիր, հրապարակախոս, հինգ տասնյակ գրքերի հեղինակ, «Շուշի» բարեգործական հիմնադրամի հիմնադիր, 84-ամյա Բակուր Կարապետյանը ներկայացել էր այս անգամ Երեւան քաղաքի առաջին ատյանի ընդհանուր իրավասության քաղաքացիական դատարան (Էրեբունի նստավայր):
Նախորդ անգամ մենք տեղեկացրել էինք, որ նախկինում նա ծանուցվում էր Արաբկիր նստավայրում նախնական դատական նիստերի մասին:
Կարդացեք նաև
Հետագայում, երբ դատավոր Է. Ամալյանի լիազորությունները դադարեցվեցին, գործը մակագրվեց դատավոր Մ. Քյուրքչյանին:
Այս գործով նշանակվող դատավորը երրորդն էր Վ. Թորոսյանից, Է.Ամալյանից հետո:
Այս դատարանը մեկ նիստ արդեն հրավիրել էր, սակայն Բ.Կարապետյանը հիվանդ լինելու պատճառով չէր ներկայացել դատարան: Երեկ հայցվոր կողմը դատարանին խնդրեց հետաձգել նիստը, քանի որ իր ներկայացուցիչ փաստաբանի հարազատն էր մահացել, եւ այդ մասին նոր լրացուցիչ գրավոր տեղեկացրել էր նաեւ դատարանին: Դատարանը հարգելի համարեց այդ խնդրանքը, նշանակեց նախնական դատական նիստը հուլիսի 23-ին: Նշեմ, որ հայցվորն առարկեց, որպեսզի նիստը լուսանկարվի, իսկ պատասխանող կողմը համաձայն էր: Դատարանը բավարարեց մեր լրատվամիջոցի խնդրանքը՝ լուսանկարելու վերաբերյալ, առանց հայցվորի…
Հիշեցնեմ, որ հայցվոր Ղուկասյանը պահանջում է, որպեսզի Բ. Կարապետյանը իրենից հրապարակային ներողություն խնդրի «Ֆեյսբուք» սոցիալական ցանցի իր անձնական էջում:
Ըստ հայցադիմումի, «պատասխանողի հրապարակած նյութում տեղ գտած արտահայտությունների բովանդակությունից երեւում է, որ դրանք իրենցից ներկայացնում են կոնկրետ, հստակ տեղեկություններ հայցվորի անձի վերաբերյալ»:
Ռուզան ՄԻՆԱՍՅԱՆ
«Առավոտ» օրաթերթ
13.06.2025
