ՀՀԿ փոխնախագահ Արմեն Աշոտյանն այսօր անդրադարձել է Միջազգային հանրապետական ինստիտուտի հրապարակած հարցումներին. «Իհարկե, զարմանալի չի, որ արևմտյան կառույցները իրենց «լյուբիմչիկին» առաջ մղելու համար պատրաստ են ամեն ինչի: Չխաբնվեք հանկարծ, որ հարցումը իրականացրել է հայկական մեկ այլ հեղինակավոր կազմակերպություն: Ես վստահ եմ, որ նրանք միայն դաշտային աշխատանքներն են արել: Խոսքը ԲՐԵՎԻՍ-ի մասին է, իսկ ամբողջ մշակումը, մեթոդաբանությունը և պետպատվերը ամերիկյան է՝ ամերիկյան հանրապետական ինստիտուտը Նիկոլին քարտ բլանշ է տալիս ընտրություններից առաջ»:
Ըստ Աշոտյանի՝ «Ակնհայտ կեղծ սոցհարցում է, որովհետև երբ բացում եք ամբողջական թվերը, ոչ միայն այն սլայդը, որ մեզ փորձում են հրամցնել, ապա տեսնում եք, որ բազմաթիվ այլ հարցերով, որտեղ այսպես կոչված կառավարությունը ծրագրեր է իրականացնում՝ TRIPP-ից սկսած, կառավարության ցուցաբերած սատարումը հասարակության կողմից շատ ցածր է: Այսինքն՝ ակնհայտ է, որ հայկական հասարակությունը ունի ընդդիմադիր տրամադրություններ: Եվ սա հնարավոր չէր կոծկել և կեղծել»:
ՀՀԿ փոխնախագահի պնդմամբ՝ ընտրություններից առաջ սոցհարցումների միջոցով մանիպուլյացիան հայտնի հնարք է՝ նախընտրելի թեկնածուին անցկացնելու համար. «Իսկ ինչ վերաբերում է Նիկոլի վարկանիշին, ապա այն շոշափելու համար բավարար է դուրս գալ Երևանի կամ մարզերի ցանկացած փողոց և խոսեցնել մարդկանց»:
Կարդացեք նաև
