Ալպինիզմի և լեռնային տուրիզմի հայկական ֆեդերացիաի հայտարարությունը
Խոր վշտով և մտահոգությամբ հետևում ենք Իրանի Իսլամական Հանրապետությունում տեղի ունեցող ողբերգական իրադարձություններին։ Մենք խստորեն դատապարտում ենք խաղաղ բնակչության նկատմամբ իրականացվող ցանկացած բռնություն։
Միանում ենք միջազգային հանրությանը՝ խաղաղության և անվտանգության կոչով։
Ցավակցություն ենք հայտնում Իրանի քաղաքացիներին, հատկապես այն ալպինիստների ընտանիքներին, ովքեր այս օրերին կրել են անդառնալի կորուստներ։ Ձեր վիշտը նաև մեր վիշտն է։ Մենք բարձր ենք գնահատում Իրանի ալպինիստական համայնքի նվիրումն ու ոգին։
Կարդացեք նաև
Մեծ ցավով ենք նշում նաև Թավրիզից փրկարար և ալպինիստ Մեհդի Զարթաջիի կորուստը, որի անձնվեր ծառայությունը և մարդկային արժանապատվությունը մնայուն հետք են թողել մեր հիշողության մեջ։
Մեր սրտերում միշտ կենդանի կմնա նաև մեր սիրելի ընկերուհի Զահրա Շամսի հիշատակը՝ երիտասարդ ու լուսավոր ալպինիստուհու, ով նախորդ տարի հաղթահարեց Արագած լեռան գագաթը՝ մեր ֆեդերացիայի հետ համատեղ։ Նրա ժպիտն ու ուժեղ հոգին կմնան անմոռանալի։
Թող զոհվածների հիշատակը վառ մնա, իսկ նրանց ընտանիքներին մաղթում ենք ուժ և համբերություն։ Մեր դռները միշտ բաց են համերաշխության և սփոփանքի համար։
