ՀՀ ԱԺ-ի օրակարգում չընդգրկվեց «Քաղաքացիական պայմանագիր» խմբակցության պատգամավոր Հայկ Սարգսյանի նախագիծը՝ «զինծառայությունից գումարով ազատվելու մասին»։ Ինքն էլ դեմ քվեարկեց։
RA National Assembly session took place
Իր ելույթում Հայկ Սարգսյանը մեջբերեց Նիկոլ Փաշինյանի ելույթներից հատվածներ, որ օրինակ՝ «Համոզված եմ՝ մեր շատ գործընկերներ ասում են, դե հա, որոշել, որոշել են, հո չե՞ն անելու, հեսա կգա դեկտեմբերի 31-ը, և կհետաձգվի այս որոշման ի կատար ածումը, տասնյակ առաջարկներ եմ ստացել՝ եկեք հետաձգենք։ Հետաձգենք, հետաձգենք, Նոր տարին անցնի, Զատիկը անցնի, Սբխեչը անցնի, հետո կընդունենք։ Չի հետաձգվելու բացարձակապես»։
Պատգամավորը, մեջբերելով Նիկոլ Փաշինյանի խոսքերը, թե «Բանակը պետք է դադարի լինել էժանագին կենացների օբյեկտ», «Զորակոչը մնում է կոռուպցիայի ամենածաղկուն միջավայր», հայտարարեց՝ չի լինելու օրենքի հետաձգում ու նշեց․ «Թեպետ 2022-ից կառավարությունը նախագիծը բերել էր այլ ձևաչափով, սկսել ենք կառավարության գործընկերների հետ քննարկել 2024-ի հունվարից։ Ցավոք, ԱԺ մի շարք գործընկերների հետ մինչ այս պահը ժամանակ չի եղել քննարկումներ կազմակերպելու համար, առաջնորդվելով վարչապետի հանձնարարությունով՝ կշարունակեմ աշխատել մեր գործընկերների հետ, որ հնարավորինս շուտ կարողանանք այն ուղենիշները, որ վարչապետն է մեր առաջ դրել, իրագործել»։
Կարդացեք նաև
ՔՊ խմբակցության ղեկավար Հայկ Կոնջորյանը հայտարարեց՝ բանակի բարեփոխումների ռազմավարությունը գտնվում է մեր առաջնահերթությունների շարքում․ «Այդ թվում՝ այս նախաձեռնության մեջ կան հարցեր, որոնք կարող են հասցեագրել բանակում բարեփոխումների՝ մեր նպատակները, սակայն առանձին կարգավորումներ, դրանց ձևակերպումներ ու սահմանումներ, ինչպես նաև քննարկման ժամանակը բերել է այն համոզման, որ այս նախագիծն այս պահին այս տեսքով չենք կարող ընդունել։ Այս քվեարկությանը ՔՊ-ն ևս դեմ կքվեարկի»։
Հայկ Սարգսյանը վարման կարգով արձագանքեց. «Թեպետ 2022 թվականից նախագիծը Կառավարությունը բերել էր այլ ձևաչափով և հետ քաշեց՝ հաշվի առնելով էսկալացիան, նախագիծը սկսել են Կառավարության գործընկերների հետ քննարկել 2024 թվականի հունվարից:
Ցավոք, ԱԺ մի շարք գործընկերների հետ ժամանակ չի եղել մինչև այս պահը՝ վերջին 1,5 տարվա ընթացքում, քննարկումներ կազմակերպելու համար: Ես, առաջնորդվելով վարչապետի հանձնարարականներով, կշարունակեմ աշխատել մեր գործընկերների հետ, որպեսզի հնարավորինս շուտ կարողանանք այն բարեփոխումները և ուղենիշները, որ վարչապետն է դրել մեր առաջ և Կառավարության ծրագրում առկա են, կարողանանք կյանքի կոչել:
Ես նույնպես դեմ կքվեարկեմ օրենքի նախագծին»:
Տաթև ՀԱՐՈՒԹՅՈՒՆՅԱՆ
