Aravot.am-ի տեղեկություններով, հունիսի 15-ին «աջ ազդոսկրի փակ, թեք կոտրվածք` տեղաշարժով» ախտորոշմամբ մոր ուղեկցությամբ Գյումրի բժշկական կենտրոնի մոր ու մանկան բաժանմունք է տեղափոխվել 2022 թվականին ծնված Արթիկի բնակչուհի Ս․Ն․-ն։
Մայրը ոստիկանությանը հայտնել է, որ դուստրը վնասվածք է ստացել Արթիկ քաղաքի Սունդուկյան փողոցի տան դիմաց՝ քամու հետևանքով աստիճաններից վայր ընկնելու պատճառով։
Ոստիկանությունում կազմված փաստաթղթերն ուղարկվել են Արթիկի և Անիի քննչական բաժին։
Կարդացեք նաև
Հիշեցնենք, որ Գյումրիում, Ախուրյանի ու Արթիկի տարբեր համայնքներում ուժեղ քամու, տեղացած կարկտի ու հորդառատ անձրևի պատճառով մեծ վնասներ են կրել տներ, բազմաբնակարան շենքեր, տներ, դպրոցներ, վնասվել են նաև Գյումրիի թատրոնի ու մարզային ոստիկանության շենքերը, իսկ գյուղական համայնքներում՝ ցորենի ու գարու ցանքատարածքներ, պտղատու այգիներ։ Գյումրու փողոցները վերածվել էին առվակների՝ անհնար դարձնելով անցուդարձն ու երթևեկությունը։
Գյումրու Թատերական հրապարակում հենց այն պահին, երբ գարեջրի փառատոն էր տեղի ունենում:
Փոթորկից արմատախիլ էին եղել եղևնիները՝ բարեբախտաբար մարդկային կորուստներ չէին եղել (Տես լուսանկարները):
Շիրակի մարզպետի աշխատակազմը, շրջայց կատարելով տուժած համայնքներ, տեսանյութ է հրապարակել՝ ցուցադրելով փոթորկի ավերածությունները։
Շիրակի մարզպետ Դավիթ Առուշանյանն էլ երեկ լրագրողների հետ զրույցում հայտնեց, որ փոթորիկը մեծ վնասներ է պատճառել Գյումրիին, Արթիկին՝ իր գյուղերով և Ախուրյանին։ Ըստ նրա, վնասի չափը դեռ ճշտվում է, Շիրակի մարզպետի աշխատակազմի կողմից մասնագիտական խմբեր են ձևավորված, որոնք տեղում ուսումնասիրում, գույքագրում ու հաշվարկում են պատճառած վնասները։
Նունե ԱՐԵՎՇԱՏՅԱՆ
Լուսանկարները՝ Շիրակի մարզպետի աշխատակազմի
