«Վարչապետի օտարերկրյա այցերը հերքում կամ հաստատում է կառավարությունը։ Եվ սա նույնպես այդ դեպքն է, ես որեւէ բան չեմ կարող ասել։ Երբ որեւէ այց հաստատվի, կառավարությունը կհայտնի»,- խորհրդարանում լրագրողների հետ ճեպազրույցում ասաց ԱԺ փոխնախագահ Ռուբեն Ռուբինյանը՝ անդրադառնալով հարցին, թե Նիկոլ Փաշինյանը մեկնելո՞ւ է Թուրքիա։
Նշենք, որ ԱԺ արտաքին հարաբերությունները մշտական հանձնաժողովի նախագահ Սարգիս Խանդանյանը նույնպես այսօր լրագրողների հետ ճեպազրույցում խուսափեց պատասխանել հարցին՝ Փաշինյանը մեկնելո՞ւ է Թուրքիա եւ հանդիպելո՞ւ է Էրդողանի հետ։
Մանրամասները՝ տեսանյութում
Կարդացեք նաև
Անդրադառնալով Հայաստանի եւ Թուրքիայի փոխարտգործնախարարների հանդիպմանը՝ Ռուբեն Ռուբինյանն ասաց․ «Հայաստանի փոխարտգործնախարարի այցը Թուրքիա Հայաստան-Թուրքիա կարգավորման շրջանակներում է։ Ոչ միայն ես եմ շփվում Թուրքիայի հատուկ ներկայացուցչի հետ, այլ նաեւ ԱԳՆ մակարդակում շփումներ կան, տարբեր նախարարների մակարդակում շփումներ կան։ Երկրների ղեկավարներն են հեռախոսազրույց ունենում, եւ սա այդ շրջանակներում է»,- ասաց Ռուբինյանը։
Մանրամասները՝ տեսանյութում
Անդրադառնալով հանդիպման օրակարգին՝ Ռուբինյանն ասաց, որ ԱԳՆ-ն տեղեկատվություն տվել է, դա բավարար է։
Հարցին, թե իր թուրք գործընկերոջ հետ առաջիկայում հանդիպում ունենալո՞ւ է, Ռուբինյանը պատասխանեց․ «Այս պահին հանդիպման հաստատված ժամկետ չկա»։
Անդրադառնալով հայ-թուրքական սահմանը երրորդ երկրների համար բացելու հարցին՝ Ռուբինյանն ասաց․ «Մենք մեր կողմից ամեն ինչ արել ենք, որպեսզի դա տեղի ունենա, մնացածը արդեն Թուրքիայի դաշտում է»։
Ռոզա ՀՈՎՀԱՆՆԻՍՅԱՆ
Լուսանկարը՝ արխիվային
