«Այսօր, երբ հայտարարվեց, որ ՀԷՑ-ի ազգայնացման գործընթացով պետք է առաջ շարժվենք, ճիշտն ասած մտքումս հետևյալ միտքը հայտնվեց՝ կարո՞ղ է մեր ընդդիմադիր գործընկերներն, օրինակ, ասեն, որ ՀԷՑ-ն ազգային արժեք է և թուրք-ադրբեջանական տանդեմի դրդմամբ է իշխանությունը պատրաստվում պղծել այս ազգային արժեքը»,- խորհրդարանի նիստի ժամանակ հայտարարեց ՀՀ ԱԺ փոխնախագահ Ռուբեն Ռուբինյանը։
Դիմելով «Հայաստան» խմբակցության պատգամավոր Արծվիկ Մինասյանին և հիշեցնելով նրա հայտարարությունները՝ Ռուբեն Ռուբինյանն ասաց․ «Ասում եք՝ մենք պետք է միավորվենք ազգային արժեքների շուրջ, խնդիրը հետևյալն է՝ մեզ համար ազգային արժեքներն իրական են՝ մեր պետականությունը, լեզուն, մեր ազգային առանձնահատկությունները և շահերը։ Ձեր քաղաքական հոսանքի համար ազգային արժեքը ձեր թիմակիցների գողոնն է, զավթած կառույցներն են, ամեն ինչ, ինչ անում եք, անունը դնում եք ազգային արժեք, մարդ մի հատ հարց է բարձրացնում՝ ասում եք՝ ձեռքերդ հեռու մեր արժեքներից»։
Կարդացեք նաև
Ռուբեն Ռուբինյանը վստահեցրեց կեղծիքը հայկական ազգային արժեք չէ․ «Մենք չենք կարող միավորվել կեղծիքի շուրջ։ Նույն տրամաբանությամբ, եթե ՀԷՑ-ում կա պրոբլեմ՝ ոնց որ թե անլուծելու, ուրեմն պետությունը կլուծի այդ խնդիրը։ Հերիք է»։
Տաթև ՀԱՐՈՒԹՅՈՒՆՅԱՆ
