Իրանագետ Արտյոմ Տոնոյանի «Caspian Frontiers» տելեգրամյան ալիքից տեղեկանում ենք.
Իրանի դեմ Իսրայելի սկսած պատերազմում Ադրբեջանի մասնակցության ոլորտները
Ադրբեջանն Իրան-Իսրայել պատերազմում առ այս պահը սոցիալական ցանցերի իրանական սեգմենտում և մեդիայում մեղադրվել է՝ ըստ հետևյալ ուղղությունների՝
▶️ սեփական տարածքի տրամադրում իսրայելական կործանիչներին՝ Ատրպատականի քաղաքները հրթիռակոծելու համար,
Կարդացեք նաև
▶️ Ադրբեջանի տարածքի տրամադրում Իսրայելի հետախուզությանը և հատուկ ծառայություններին՝ Իրանի դեմ գործողությունների իրականացման համար,
▶️ 6 տարի շարունակ փակ պահված Ասթարայի ցամաքային անցակետի բացում՝ Իսրայելի լրտեսական ցանցն ԻԻՀ տարածքից անվնաս դուրս բերելու համար,
▶️ տեղեկատվական աջակցություն՝ Իսրայելի կողմից մշակվող ապատեղեկատվությունների տարածման և անջատողական տրամադրությունների խթանման համար։ Այս հարցում Ադրբեջանն Իսրայելի տրամադրության տակ է դրել անգամ պետական հեռուստաընկերությունները, որոնց ուղիղ եթերներում 1-2 ժամ պարբերականությամբ ընթերցվում են տարատեսակ քրդական, պանթյուրքական և այլ խմբավորումների հայտարարություններ,
▶️ Իրանի համար պատերազմական ծանր իրավիճակում Ատրպատականի տարածքում անջատողական շարժումների բորբոքում և այդ ուղղության վրա առավելագույն ռեսուրսների կենտրոնացում,
▶️ ատրպատականցիների շրջանում պարտվողականության, Իսրայելի դրական իմիջի և սիոնիստական ռեժիմի հաղթանակի անխուսափելիության քարոզում, նաև հասարակական բարոյալքմանը միտված գործողությունների իրականացում։
