Aravot.am-ի հետ զրույցում անդրադառնալով ԱԱԾ տնօրեն Արմեն Աբազյանի պաշտոնանկությանը՝ ճանաչված գրող Լեւոն Ջավախյանը հետեւյալը նշեց. «Նիկոլի հետ չաշխատելը արդեն իսկ խրախուսանքի է արժանի, բայց ԱԱԾ տնօրենի գործի իմաստը հո Նիկոլ Փաշինյանին ծառայե՞լը չէր, իր գործը հայրենիքի անվտանգության ապահովումն էր»:
Գրողը նաեւ ընդգծեց. «Արմեն Աբազյանը չէր հասկանո՞ւմ, թե նա ուր է տանում երկիրը, ախր կործանում է տանում… Թող էլի չաշխատեր Նիկոլի հետ, բայց ինքը գործառույթ ուներ, ամենամեծ գործառույթը երկրի արհավիրքը չեզոքացնելն է, իսկ Հայաստանի ամենամեծ արհավիրքը Նիկոլ Փաշինյանն է, թող իրեն ձերբակալեր, նոր աշխատանքից ազատվեր, ուր ուզում էր՝ գնար: Ստացվում է՝ իր գործը ԱԱԾ տնօրենը թերի կատարեց»:
Գոհար ՀԱԿՈԲՅԱՆ
