Հարց Սահմանադրական դատարանի դատավորի թեկնածու՝ Արտակ Զեյնալյանին
Դեռևս 18.04.2019 թ-ի կառավարության նիստին, երբ Դուք այդ ժամանակ արդարադատության նախարար էիք, հանդես եք եկել առաջարկով՝ դատապարտյալների պահպանությունը քաղաքացիական առողջապահական հաստատություններում կազմակերպելու նպատակով ավելացնել ՔԿԾ ծառայողների ևս երեսուն հաստիքային միավոր, ինչը պայմանավորված էր, ըստ էության, ՔԿԾ ծառայողների աշխատանքային իրավունքների խախտմամբ:
Հարկ ենք համարում արձանագրել, որ Դուք ընդգծել եք, որ այդ խախտումներն արձանագրվել են դատախազության, ինչպես նաև հաշվեքննիչ պալատի կողմից, մատնանշելով, որ վերջերս տեղի է ունեցել դատապարտյալի փախուստ, ընդ որում, որքանով իրազեկված ենք, հետագայում փախուստի օրը պահպանություն իրականացնող պահակակետի ՔԿԾ ծառայողները դատապարտվել են, ըստ էության, Ձեր անգործության հետևանքով:
Բնականաբար, եթե Դուք բարի լինեիք անմիջապես արձագանքել դատախազության և հաշվեքննիչ պալատի դիտողություններին, ապա Ձեր կողմից մատնանշված դատապարտյալի փախուստը հնարավոր կլիներ կանխել, սակայն քրեական պատասխանատվության ենթարկվել են բոլորը, բացի Ձեզանից, ընդ որում, ըստ տրամաբանության՝ Ձեզ էլ պետք է առաջադրվեր մեղադրանք:
Կարդացեք նաև
Արդյո՞ք այսպիսի աշխատաոճով աչքի ընկած անձը բարոյական իրավունք ունի հավակնել ՍԴ դատավորի թեկնածությանը:
Հ.Գ. Օպերատիվ-հետախուզական գործունեության մասին օրենքի համաձայն՝ ՔԿԾ ծառայողների օպերատիվ-հետախուզական գործունեության լիազորությունները տարածվում են միայն քրեակատարողական հիմնարկներում:
ՀՀ պահեստազորի զինծառայողների նախաձեռնություն
