Ինչպես տեղեկանում ենք Online Грузия լրատվականից՝ Վրաստանի ֆինանսների նախարարության քննչական ծառայության տվյալներով՝ մայիս ամսին վրաց սահմանապահները մուտքի հինգ փորձ են կանխել առանց հայտարարագրի երկիր ներկրվող ադամանդների և թանկարժեք զարդերի, որոնց ընդհանուր արժեքը հասնում է տասնյակ հազարավոր դոլարների։
«Սարփի» և «Սադախլո» մաքսակետերով փորձել են Թուրքիայից և Հայաստանից գաղտնի տեղափոխել ավելի քան 900 գրամ ոսկյա զարդեր՝ թանկարժեք քարերով։
Բացի այդ, 62 ադամանդ՝ ընդհանուր 24.2 կարատ քաշով, փորձել են մաքսային վերահսկողությունը շրջանցելով տեղափոխել Վրաստանի և Ռուսաստանի սահմանին գտնվող «Կազբեգի» անցակետով։
Բոլոր այդ թանկարժեք իրերը առգրավվել են սահմանապահների կողմից։ Դրանց ընդհանուր արժեքը գնահատվել է 234,412 լարի (86,200 դոլար)։
Կարդացեք նաև
Վրաստանի մաքսային սահմանով ապրանքների տեղափոխման կանոնների խախտման դեպքերով հարուցվել են քրեական գործեր։ Մեղավորներին սպառնում է հինգից յոթ տարվա ազատազրկում։
