Էջմիածնի տոնը, որի խորհուրդը Սեր եւ Համերաշխություն քրիստոնեական պատգամն է, մի պահ խաթարվեց «Փյունիկ» հիմնադրամի նախագահ, սփյուռքահայ Գաբրիել Ջեմբերջիի (Ջեմբերջյան) գոռում-գոչյուններով, որը հայտնի է նաեւ ՔՊ դրամահավաքին մեկ միլիոն դրամ վճարելով, Աննա Հակոբյանի կազմակերպած «Հաջողակ տղամարդիկ» խնջույքին մասնակցելով:
Ինչպես պարզվեց ավելի ուշ, լրագրող Սյուզի Բադոյանը նրան հիշեցրել էր այդ մասին ու մի քանի այլ անհարմար հարցեր էր տվել, ինչը Ջեմբերջիին դուր չէր եկել: Դրանից հետո նրանց միջեւ լարված երկխոսությունը շարունակվել էր, եւ մեր սփյուռքահայ բարեկամը որոշել էր գոռգոռալ լրագրողի վրա, անգամ վիրավորել ու սպառնալ, ինչը միանշանակ անթույլատրելի եւ անընդունելի է: Վրդովված տղամարդուն մի որոշ ժամանակ հանգստացնել չէին կարողանում ոչ միայն եկեղեցու սպասավորները, այլեւ Մայր տաճարի բակում գտնվող մարդիկ։
Աշոտ ՀԱԿՈԲՅԱՆ
