Սուրբ Աթոռում ՀՀ նախկին դեսպան Միքայել Մինասյանի տելեգրամյան գրառումը
Հին արևելյան ասացվածքը՝ «Ոչ մի բարի գործ անպատիժ չի մնում», իր բացատրությունն ունի. չար ուժերը պայքարում են բարի գործերի դեմ՝ դրանք կանխելու, քարերով հարվածելու կամ արժեզրկելու համար։ Ինչո՞ւ։ Քանի որ դրանք չարի ուժեր են։
Այսօր է Կաթողիկե Սուրբ Էջմիածնի տոնը՝ հայերի հոգևոր, պատմական և շատ դեպքերում միակ կենտրոնի տոնը։
Այսօր բանտում է գտնվում Կաթողիկե Սուրբ Էջմիածնի պատմության մեջ ամենամեծ բարեգործներից մեկը։
Կարդացեք նաև
Իմ աղոթքներն ուղղված են Կարապետյանների ընտանիքին՝ մաղթելով, որ արժանապատվորեն հաղթահարեն այս փորձությունը, իսկ Սամվելը, կարծում եմ, իմ աղոթքների կարիքը չունի, քանի որ նրա գործերի համար նրա պահապան հրեշտակները կպաշտպանեն նրան և կպարգևեն հաղթանակ։
Մենք բոլորս անցնում ենք բյուրեղացման և մաքրման բարդ ուղի՝ թե՛ անհատական, թե՛ հավաքական։ Մենք մեծ կորուստներ և բազմաթիվ զոհեր ենք ունենում։ Բոլորը հասկանում են, թե ինչ է տեղի ունեցել։ Եվ ամենակարևորը՝ ինչ է տեղի ունենում այժմ։ Իսկ ովքեր չեն հասկանում՝ դեռ պիտի անցնեն իրենց մաքրության ճանապարհով։
Իհարկե, դա հեշտ չէ։ Բայց մյուս կողմից, հնարավոր է՝ այս մաքրումը մեզ բոլորիս է անհրաժեշտ։ Հավանաբար սա մեր փրկության ճանապարհն է։ Հնարավոր է՝ եկեղեցին ևս դրա կարիքն ունի։ Քանի որ այժմ այն մաքրվում և ամրապնդվում է՝ դիմակայելով սատանային։
Շնորհավորում եմ Կաթողիկե Սուրբ Էջմիածնի տոնի կապակցությամբ։ Թող Կաթողիկե Սուրբ Էջմիածինը կանգուն մնա, իսկ Սամվել Կարապետյանը՝ բարեգործից դառնալով մեր հավատքի և եկեղեցու պաշտպան, շարունակի իր առաքելությունը և, հաղթելով չարին, առաջնորդի դեպի լույս։
