«Արթուն ենք» շարժման գործիչ Էդգար Ղազարյանը «Հայելի» ակումբում անդրադառնալով ռուսական լրատվամիջոցներում տարածված տեսանյութերին, ըստ որոնց՝ անվտանգության ծառայությունները ձերբակալել են մարդկանց, որոնք գողացված ադամանդներ են մատակարարում Հայաստան՝ Խաչատուր Սուքիասյանի ընտանիքին պատկանող ընկերությանը, եւ դա կապվում է ազգային բարերար Սամվել Կարապետյանի նկատմամբ իրականացվող արշավի հետ, ասաց. «Նախ, ես չեմ կարծում, որ Ռուսաստանում տեղի ունեցած ձերբակալությունները կապ ունեն Սամվել Կարապետյանի հետ: Կարծում եմ, Ռուսաստանի իրավապահներն իրենց ռեժիմով են աշխատում: Խնդիրն այն է, որ Հայաստանի խորհրդարանում շարունակում է պատգամավորի կարգավիճակ ունենալ մի օլիգարխ, որի նյութական եւ ֆինանսական միջոցների ծագումն ի սկզբանե, ապա դրանց հետ ունեցած առնչությունները մշտապես եղել են կասկածելի եւ վիճահարույց:
Այսինքն, այս պահին Հայաստանի խորհրդարանում շատ քիչ թվով օլիգարխներ գոյություն ունեն, որոնցից մեկն էլ հենց Խաչատուր Սուքիասյանն է: Եվ չնայած հերքում է եղել, որ ինքն առնչություն ունի առհասարակ այդ գործարքի հետ, բայց միայն հերքողի կարգավիճակն արդեն կասկածելի է դարձնում այդ հերքման տեքստը, որովհետեւ Խաչատուր Սուքիասյանի մամուլի խոսնակ հասկացություն բնության մեջ չի կարող գոյություն ունենալ: Խաչատուր Սուքիասյանը ԱԺ պատգամավոր է: Իսկ ԱԺ կանոնակարգ-սահմանադրական օրենքը պատգամավորի խոսնակ երեւույթ չի նախատեսում: Պատգամավորը կարող է ունենալ մեկ՝ վճարովի եւ մեկ՝ հասարակական հիմունքներով աշխատող օգնական: Պատգամավորի խոսնակ չի կարող գոյություն ունենալ:
…Ես չեմ զարմանա, եթե այդ ամենը իրականություն դառնա, որովհետեւ իմ խորին համոզմամբ, իմ տպավորությամբ Խաչատուր Սուքիասյանի կարգավիճակը սահմանադրորեն վիճելի է, որովհետեւ նա իր գույքի եւ եկամուտների հայտարարագրում հայտարարագրել է բազմաթիվ ընկերությունների բաժնետոմսեր եւ բաժնեմասեր, այդ թվում՝ խոշոր ընկերությունների, այդ թվում՝ ընկերությունների, որոնք հիմնադրվել են 2018 թվի ադրբեջանաթուրքական հեղափոխությունից հետո: Եվ նա մշտապես զբաղեցրել է ԱԺ պատգամավորի կարգավիճակ: Այսինքն, ակնհայտորեն նա ներգրավված է ձեռնարկատիրական գործունեության մեջ եւ ցոփ ու շվայտ կյանք է վայելում: Մամուլում հրապարակումները, որոնք վերաբերում են Մոնտե-Կառլոյում, Մոնակոյում եւ այլ վայրերում նրա հանգստից, շրջագայություններից, կազինոներից, սիգար ուտելուց, ի միջի այլոց, բոլորը սիգարը ծխում են, ինքը, տեսանյութերում կադրեր կան, սիգարը ծամում է, չեն վկայում նրա, որպես պատգամավորի հանրային գործունեության մասին:
Կարդացեք նաև
Որպես պատգամավոր նրա գործունեությունը դրսեւորվել է անտակտ կեցվածքով հատկապես լրագրողների հետ շփումներում: Նա նման դեպքերում ցուցաբերում է ուղղակի անհավասարակշիռ, անտակտ պահվածք և, ըստ էության, նվազագույն ֆունկցիոնալ պարտականություններ՝ կապված պատգամավորական գործունեության հետ: Այսինքն, ակնհայտ է, որ պատգամավորի կարգավիճակը նրան ուղղակի օգնում է քաղաքական հովանավորչություն իրականացնել այն ընկերություններին, բիզնեսներին, որտեղ նա հանդիսանում է որպես սեփականատեր կամ համասեփականատեր: Հետեւաբար, այս պատմության հետ նրա առնչությունը ինձ համար չափազանց համոզիչ ու փաստարկված է թվում»:
Աշոտ ՀԱԿՈԲՅԱՆ
