Մումբայում (Հնդկաստան) անցկացված գրոսմայստերական մրցաշարում հայաստանցի գրոսմայստեր Մամիկոն Ղարիբյանը եւ հնդիկ Բաբու Լալիթը ինը հնարավորից վաստակել են 8,0-ական միավոր եւ բաժանել են առաջին տեղը: Լրացուցիչ գործակիցներով հայ շախմատիստը ճանաչվել է երկրորդը:
Մամիկոնի հետ մրցաշարին մասնակցել են նաեւ գրոսմայստեր Մանուել Պետրոսյանն ու միջազգային վարպետ Արսեն Դավթյանը, որոնք 7,0-ական միավորով տեղ են զբաղեցրել ուժեղագույնների տասնյակում՝ համապատասխանաբար, հանգրվանելով 6-րդ եւ 7-րդ հորիզոնականներում:
Աշոտ ՀԱԿՈԲՅԱՆ
