Քիչ առաջ Մայր Աթոռի բակ եկավ նաեւ ռուսաստանաբնակ հայ գործարար, Եկեղեցուն սատարելու համար երկու ամիս կալանքի տակ գտնվող Սամվել Կարապետյանի (լուսանկարում) եղբոր որդին՝ Նարեկ Կարապետյանը։
Լրագրողների հետ զրույցում նա ասաց, որ եթե Վեհափառ Հայրապետը ցանկանա իրեն ընդունել՝ սիրով կհանդիպի նրա հետ։ Բայց ինքը եկել է՝ «մեր ձեւով» (հումորով նկատեց-Ն․ Գ․) Եկեղեցու կողքին կանգնելու եւ իր սատարումը հայտնելու։
Նարեկ Կարապետյանը կոչ արեց խաղաղ ձեւով աջակցել Մայր Աթոռին։ Նա նկատեց՝ Էջմիածնի մուտքը փակ չէ, պետք է գալ եւ ցույց տալ, որ հասարակությունը դեմ է նման քայլերին․ «Այս մոտեցումը չի արժանացել մեր հայրենակիցների հավանությանը։ Այս մեթոդով չի կարելի։ Կարծում եմ, որ ողջախոհությունը կհաղթի։ Սա մեթոդ չէ»։
Նա ասաց՝ մտահոգիչ տեսարաններ է տեսել այսօր․ հուսով է՝ էլ չի տեսնի։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
