«Հորդորում եմ հնարավորինս արագ լքի իր կարգավիճակը, որը հիմա բռնել է։ Ինչքան երկար տևեց այս պատմությունը, այնքան իրեն, մեր երկրին, մեզ բոլորիս ձեռնտու չի լինելու։ Վերջը լինելու է նույնը, ինքը լքելու է այդ տեղը։ Խոսքը ժամանակի մասին է։ Խնդրում եմ՝ թող լքի»,- դիմելով Ամենայն Հայոց Կաթողիկոսին՝ լրագրողների հետ ճեպազրույցում ասաց ՀՀ ԱԺ նախագահ Ալեն Սիմոնյանը։
Ըստ նրա՝ ամեն օր Նիկոլ Փաշինյանը բացատրում է դա։ Լրագրողների դիտարկմանը՝ հայհոյանքներո՞վ է բացատրում, Ալեն Սիմոնյանը վստահեցրեց՝ դա քաղաքական խոսք է և հորդորեց դիմել դատարան, եթե կարծում են, որ խնդիր կա․ «Ես՝ որպես հավատացյալ մարդ, որը մկրտված է հայ առաքելական եկեղեցում, որի համար հայ առաքելական եկեղեցին սրբություն է, չեմ կարող հանդուրժել նման բանը։ Պայքարելու եմ, համոզելու եմ, այն, ինչ անում է վարչապետը: Ամեն օր բացատրում է, ցույց է տալիս ճանապարհը»։
Տաթև ՀԱՐՈՒԹՅՈՒՆՅԱՆ
Կարդացեք նաև
Լուսանկարը՝ արխիվային
