Ադրբեջանագետ Տաթևիկ Հայրապետյանը Տելեգրամի իր ալիքում գրում է.
«ՌԳ ԱԳՆ-ի կողմից Ադրբեջանին հանձնված նոտայում այս հատվածը կարծում եմ առանձնակի ուշադրության է արժանի.
«2025թ. հուլիսի 1-ին Ռուսաստանի Դաշնության Արտաքին գործերի նախարարություն հրավիրվել է Ադրբեջանական Հանրապետության արտակարգ և լիազոր դեսպան Ռ.Ս. Մուսթաֆաևը։
Ռուսաստանի Դաշնության արտգործնախարարի տեղակալ Մ.Յու. Գալուզինի հետ հանդիպման ընթացքում դեսպանին ներկայացվել է բողոք՝ կապված Բաքվի վերջին ոչ բարեկամական գործողությունների, ինչպես նաև ադրբեջանական կողմի՝ երկկողմ հարաբերությունների ապամոնտաժմանն ուղղված կանխամտածված քայլերի հետ։
Կարդացեք նաև
Դրանք ներառում են՝ միջպետական երկխոսության շրջանակում բարձր մակարդակի միջոցառումների չեղարկումը, ադրբեջանական ԶԼՄ-ներում իշխանությունների հովանավորությամբ ծավալված ռուսատյաց քարոզարշավը, ադրբեջանական իրավապահ մարմինների՝ «Սպուտնիկ Ադրբեջան» ռուսական լրատվական գործակալության և դրա աշխատակիցների նկատմամբ անթույլատրելի և վրդովեցուցիչ գործողությունները, ինչպես նաև հանրապետությունում ռուս կատարողների, այդ թվում՝ մանկական ստեղծագործական խմբերի մասնակցությամբ մշակութային բոլոր միջոցառումների չեղարկումը»»:
