«Հայաքվե». Վարչախմբի պարագլուխն ամենօրյա ռեժիմով խառնվում է Հայաստանի ամենամեծ կրոնական կազմակերպության` Հայ առաքելական եկեղեցու ներքին հարցերին, ինչի իրավունքը չունի ՀՀ սահմանադրության 17-րդ հոդվածի, ինչպես նաև՝ խղճի ազատության և կրոնական կազմակերպությունների մասին օրենքի` կրկին 17-րդ հոդվածի համաձայն:
Նա եկեղեցու հարցերին միջամտելու իրավունք չունի նաև ըստ միջազգային իրավունքի` թե´ Մարդու իրավունքների եվրոպական կոնվենցիայի, թե´ Մարդու իրավունքների համընդհանուր հռչակագրի, թե´ Քաղաքական և քաղաքացիական իրավունքների միջազգային դաշնագրի համաձայն:
Ի հեճուկս այս նորմերի` պարագլուխն ասում է՝ ես մտնելու եմ կրոնական կազմակերպության հարցերի մեջ և ինքս որոշելու եմ, թե ով պետք է լինի եկեղեցու ղեկավարը:
Նա խախտում է սահմանադրությունը` միաժամանակ մարդկանց մեղադրելով հեղաշրջում անելու համար:
