Քիչ առաջ ի պաշտպանություն Սամվել Կարապետյանի երթի մասնակիցները Կարապետյանների ընտանիքի գլխավորությամբ հասան ԱԱԾ շենքի մոտ, որտեղ` ԱԱԾ մեկուսարանում է գտնվում Սամվել Կարապետյանը։
Այս պահին երթի մասնակիցները ԱԱԾ շենքի դիմաց գոչում են «Սամվել, Սամվել», «ազատություն, ազատություն», «մեր ձևով, մեր ձևով»։
«Հայաստան» խմբակցության պատգամավոր Գառնիկ Դանիելյանը հայտարարեց․ «Ո՞նց կարող ես մենակ թողնել մի մարդու, երբ ուր գնում ես, իր կառուցածն է»։
Կարդացեք նաև
Գառնիկ Դանիելյանը ելույթը եզրափակելով՝ ասաց․ «Ուզում եմ շնորհակալություն հայտնել Կարապետյան ընտանիքին իրենց թասիբի համար․ հայ մարդու ընտանիքի պատվելի տեսակ է։ Ուզում եմ նաև շնորհակալություն հայտնենք աշխարհով մեկ այն հայերին ՝ գործարարից մինչև շինական, որոնք աղոթում են ազգային բարերարի համար։ Աստծով լավ է լինելու, էս կարգին մարդը դուրս է գալու, և իր ծնունդը նշելու ենք ազատության մեջ, մեր ժողովրդի հետ, արժանապատիվ հայորդիների հետ»։
Նշենք, որ այս պահին ԱԱԾ շենքը պաշարված է ոստիկաններով։
Մանրամասները՝ տեսանյութում
Տաթև ՀԱՐՈՒԹՅՈՒՆՅԱՆ
