«Քանի որ նշեցին Ռոբերտ Աբաջյանի կեղծ պապիկի թեման, քանի որ ես որոշակի մասն եմ ունեցել այդտեղ շատ լավ առիթ է պարզաբանել։ Ապրիլի 23-ն էր, Սերժ Սարգսյանն արդեն հրաժարական էր տվել, փողոցները լիքն էին հարյուր հազարավոր մարդկանցով, Դաշնակցությունն էլ միացել էր հեղափոխությանը, հետևաբար որևէ կարիք չկար կեղծ մարդկանց բերել, որ ժողովրդական մասնակցություն ավելացնեինք։ Ինձ մոտեցան մեր թիմակիցները մի մարդու հետ, որի ձեռքին նկար կար, ասաց՝ ես Ռոբերտ Աբաջյանի պապիկն եմ, ցանկանում եմ ելույթ ունենալ։ Ինձ լսող ցանկացած անձ թող ինքն իրեն հարց տա՝ իմ տեղը լիներ ի՞նչ էր անելու, ասելու էր՝ պասպորտդ ցույց տո՞ւր, ի՞նչ էր ասելու։ Բնականաբար, ասացի՝ շատ լավ, հետո, երբ պարզվեց՝ պապիկը չէ, մենք հրապարակավ ներողություն ենք խնդրել»,-խորհրդարանում հայտարարեց ՀՀ ԱԺ փոխնախագահ Ռուբեն Ռուբինյանը՝ անդրադառնալով Աննա Մկրտչյանի ելույթին։
Աննա Մկրտչյանի՝ ՔՊ-ական իշխանությանը իշխանազավթ անվանելու առիթով էլ Ռուբեն Ռուբինյանն ասաց․ «Իշխանազավթ, իշխանազավթ, իշխանազավթներին իրենք են, հա՞ քվեարկել ԱԺ-ում»։
Կարդացեք նաև
Տաթև ՀԱՐՈՒԹՅՈՒՆՅԱՆ
