Իրանագետ Արտյոմ Տոնոյանի «Caspian Frontiers» տելեգրամյան ալիքից տեղեկանում ենք.
Ադրբեջանի պրոիշխանական Հանրապետական այլընտրանք կուսակցության նախագահ Նաթիգ Ջաֆարլին երեկվա հարցազրույցում հայտարարել է, որ Ստեփանակերտը պատմության մեջ երբեք, անգամ ԽՍՀՄ տարիներին Ադրբեջանինը չի եղել, բայց հիմա արդեն Ադրբեջանինն է։
Այս կուսակցապետի կարծիքով Արցախը բռնազավթելու շնորհիվ է միայն, որ Ադրբեջանը կարողանում է այսօր Ռուսաստանին նվաստացնել` տալով այնպիսի պատասխաններ, որ առաջ չէր կարող։
Ջաֆարլին ֆուտբոլային մի համեմատություն է արել՝ նշելով, որ աշխարհի պետությունները խաղում են երեք տիպի լիգաներում՝ բարձրագույն լիգա, առաջին լիգա և երկրորդ լիգա։
Կարդացեք նաև
Ըստ նրա՝ մինչև Արցախի բռնազավթումն Ադրբեջանը խաղացել է երկրորդ լիգայում, բայց հիմա, շնորհիվ Արցախի բռնազավթման, բարձրացել է առաջին լիգա, և պիտի ամեն ինչ անի, որ ամրապնդվի առաջին լիգայում։
