Այսօր վաղ առավոտից իրավապահները խուզարկություն էին սկսել անազատության մեջ գտնվող գործարար Սամվել Կարապետյանի եղբորորդու՝ Նարեկ Կարապետյանի տանը:
Լրագրողները նրա ներկայացուցիչ փաստաբան Ալիկ Ալեքսանյանից հետաքրքրվեցին՝ ինչ են իրավապահները հայտնաբերել խուզարկության արդյունքում:
Կարդացեք նաև
Ի պատասխան` փաստաբանն ասաց՝ պարզ է, որ ոչ մի բան: Լրագրողի դիտարկմանը, թե տնից գլխարկներ են միայն հայտնաբերվել, փաստաբանն արձագանքեց՝ քննչական գործողություններին չի մասնակցել, չի կարող ոչինչ ասել:
Նարեկ Կարապետյանն իր տան խուզարկության ավարտից հետո եկել է ՀԷՑ, որտեղ վաղ առավոտից նույնպես խուզարկություններ են սկսվել:
Կարապետյանի տանն իրականացված քննչական գործողություններին մասնակցած փաստաբան Արմեն Ֆերոյանը իրավապահների գործողությունները բնորոշեց ապօրինի, ասաց. «Էական ոչ մի բան չեն գտել տնից: Տոպրակում մեքենային վերաբերող փաստաթղթեր են»:
Նելլի ԳՐԻԳՈՐՅԱՆ
