Ազգային ժողովի արտահերթ նիստում քննարկվում է Արթուր Սարգսյանին ազատությունից զրկելուն հավանություն տալու մասին դատախազի միջնորդությունը։
Նշենք, որ ԱԺ ՔՊ խմբակցությունը կողմ քվեարկեց «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելուն համաձայնություն տալու միջնորդությանը։
Գլխավոր դատախազ Աննա Վարդապետյանը ներկայացրեց Արթուր Սարգսյանի կալանավորման հիմքերը։ «Ինչո՞ւ ենք կարծում, որ ազատությունից զրկելու հետ կապված հենց այս խափանման միջոցն է, որը հնարավորություն կտա ապահովել վարույթի համար անհրաժեշտ պայմանները։ Նախ, ինչպես նշեցի, վարույթը գտնվում է սկզբնական փուլում, եւ դեռեւս հարցաքննված չեն վարույթի համար էական նշանակություն ունեցող հանգամանքների, դրանց փոխկապակցվածության, նախնական պլանավորման մասին վկայող հնարավոր տեղեկություններ ունեցող անձինք, այդ թվում՝ հանցավոր խմբի ենթադրյալ անդամներ, որոնց հետ Արթուր Սարգսյանն անձամբ ծանոթ է, իսկ որոշների հետ գտնվում է մտերիմ հարաբերությունների մեջ։ Եվ նրա՝ ազատության մեջ գտնվելու դեպքում կարող է խոչընդոտել քրեական վարույթով ապացույցների ձեռք բերման գործընթացին՝ դեռեւս չհարցաքննված անձանց նկատմամբ անօրինական ազդեցություն գործադրելու ճանապարհով, այդ թվում՝ օգտագործելով իր դիրքը եւ դիրքով պայմանավորված հեղինակությունը»,- ասաց Աննա Վարդապետյանը։
Կարդացեք նաև
Ռոզա ՀՈՎՀԱՆՆԻՍՅԱՆ
