«Ռուսաստանը ստուգում է Ուկրաինա զենքի մատակարարման վերաբերյալ ցանկացած տեղեկատվություն», – արտաքին քաղաքականության ընթացիկ հարցերի վերաբերյալ ճեպազրույցում՝ ի պատասխան Ադրբեջանի և Ուկրաինայի միջև ռազմատեխնիկական գործարքների վերաբերյալ հարցի, ասել է ՌԴ ԱԳՆ պաշտոնական ներկայացուցիչ Մարիա Զախարովան:
«Մոսկվան հարցը է բարձրացնում ցանկացած դեպքում, հատկապես, երբ խոսքն այն երկրներից զենքի ենթադրյալ մատակարարումներին է վերաբերում, որոնց հետ Ռուսաստանի Դաշնությունը վստահելի երկխոսություն և դաշնակցային հարաբերություններ ունի։ Ռուսաստանը նրանց է փոխանցում իր մտահոգությունները՝ ստանալով բացատրություն կամ հերքում»։
Հիշեցնենք՝ ավելի վաղ ռուսական լրատվամիջոցները հրապարակել էին ուկրաինական դատարանի որոշում՝ կապված «Ուկրսպեցէքսպորտի» և Ադրբեջանի միջև կնքված գործարքի հետ։
